Matiye 5:11 - Bible azumeina

¹¹ Le suma a nga ngulugi a nga djobogi vunagiya, le a nga de zla d’a tcho d’a teteng nga kad’a kagi kayambala agi ni man suma hata d’a ni, agi lagi furîd’a.

Matiye 5:11 Iomraidhean Croise

Sawal la giled’a 35:11

Suma glangâs suma ka zlad’a a tchol akulo, a nga djobon yam vama an wum nga d’uo na.

Sawal la giled’a 44:22

ang Alo ma we hur sumina, ang mba ar bei we zla ndata d’i.

Isai 25:8

Mba mi b’lak matna woi ki iram fafat. Salad’a Ma didina mba mi set sumina woi ir suma pet, mba mi b’lak ahle suma zulo suma a nga le sum mamina woi pet. Gagazi, Ma didina mi de na.

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Jeremi 37:14

Jeremi mi hulong dum ala: Ni zla d’a kad’a! An nga ni i aduk suma Babilon-na d’i. Wani Jireya mi humum nga d’i, mi vum mi im mi suma nglona.

Matiye 10:18

Agi mba tchologi avok suma te yamba azi kamuleina yam an á le glangâsâ avoroziya, avok andjaf suma dingâ mi.

Matiye 10:22

Suma pet a mba noyôgi woi yam simiyênu, wani sama mi ve tam ad’enga gak dabid’ina, mba mi fe suta.

Matiye 10:25

Ma hata mi ndak á mbut d’igi sama had’ama na, azongâ mi ndak á mbut d’igi salama na mi. Le a yi samazina ala Belzebul-lu ni, a mba yi suma avo hatama tchod’a kal luo zu?

Matiye 10:39

Sama nga mi ngom tama mba mi ba tam mbeyo, wani sama he tam mbei kana mba mi sut tam mi.

Matiye 19:29

Nge nge pî ma ar aziyam mbei d’oze b’oziyom suma andjuveina d’oze b’oziyom suma aropma d’oze abum mboze asum mboze groma d’oze asinem mbei yam an na, mba mi fe yam vama lara pî kikis, mba mi fe ari d’a didinda mi.

Matiye 24:9

Kayam ndata, azi mba hagi abo suma a mba djobogi vunagiya, a mba tchagi mi. Andjaf suma pet a mba noyôgi woi yam simiyên mi.

Matiye 27:39

Suma a nga kalâ a nga ngulumu, a nga kidjik yaziya.

Marik 13:13

Suma pet a mba noyôgi woi yam simiyênu, wani sama mi ve tam ad’enga gak dabid’ina, mba mi fe suta.

Marik 13:9

Wani agiya, agi gologi tagi djiviya. Kayam suma a mba hagi abo suma b’ak zlad’a, a mba togi ki blafâ kur gongîyo mazi suma toka. Agi mba tchologi avok suma te yamba azi kamuleina yam an á le glangâsâ avorozi mi.

Marik 4:17

Wani sideyem i nga kä ngol li, mi ve tam ndjö. Ata yima ndaka d’oze djop vuna mi nga mi le suma yam zlad’a hAlonid’ina, atogo hina zak, a ar zlad’a hAlonid’a woyo.

Marik 8:35

Kayam nge nge pî ma nga mi min á sut tama, mba mi ba tam mbeyo. Wani nge nge pî ma ba tam mbei kan an yam Zla d’a Djivid’a mi na, mba mi sut tam mi.

Wana ni Zla d’a Djivi d’a Luc mi b’irita 21:12

Avok ahle ndazina pet, suma a mba vigigiya, a mba djobogi vunagi ngola, a mba igi avok suma ka sariyad’a kur gongîyo mazi suma toka, a mba tchugugi dangeina mi. A mba igi avok amuleina azi ki suma te yamba yam simiyênu.

Wana ni Zla d’a Djivi d’a Luc mi b’irita 21:17

Suma pet a mba noyôgi woi yam simiyênu.

Wana ni Zla d’a Djivi d’a Luc mi b’irita 6:22

Le suma a nga noyôgiya, a nga digigiya, a nga ngulugiya, le a nga gologi is d’igi suma tchona na yam an Gor Sana ni, ar agi lagi furîd’a.

Wana ni Zla d’a Djivi d’a Luc mi b’irita 9:24

Kayam nge nge pî ma nga mi min á sut tama, mba mi ba tam mbeyo. Wani nge nge pî ma ba tam mbei kana, mba mi sut tam mi.

Jean 15:21

Wani a mba lagi ahle ndazina pet kayam anu, kayam azi we nga mam ma sununïna d’i.

Jean 9:28

Azi ngulumu, a dum ala: Angî mam ma hata, wani ami ni suma hata hi Moise-sâ.

Sunda hi suma a sunuzinid’a 9:16

Kayam an tanda mba ni tagam ndak ka pet ta mam mba mi fat kanda.

Romê-na 8:36

D’igi mbaktumba hAlonid’a ti de na ala: Ni kayam ang ba, a nga tchami burâ ki burâ, a nga golomi d’igi tumiyô suma a izi ata yima ngatina na.

1 Korente-na 4:10

Ami mbud’umi ni suma lilid’a yam Christ, wani agi ni suma ned’a zlapa ki Christ! Ami ni suma amangeîna, wani agi ni suma ad’engâ! Suma a nga golomi is, wani a nga suburugiya!

2 Korente-na 4:11

Kur kak mamid’a, ami navun matna yam Jesus, kayam ami tagami ari mamba woi ata hliwimi ma matna.

Filip-ma 1:29

Kayam Alona mi vagi sumad’a zlapa ki Christ ná he gagazid’a kam hol li, wani ná fagi ndaka kam mi.

1 Pierre 2:23

Ata yima a nguluma, mi hulong nga ngula balum mbi. Ata yima mi fe ndakina, mi ngop nga sa d’i, wani mi ar zla mamba abo Alo ma ka sariya d’a d’ingêrina.

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.

Vama ndum mbeina 2:3

Ang nga ve tang ad’enga, ang nga fe ndaka kanu, wani ang tang tchuk nga lus si.