Matiye 4:2 - Bible azumeina

² Ata yi máma, mi le burâ dok fid’i falei kandjege bei te tena; meid’a ti nde tchumu.

Matiye 4:2 Iomraidhean Croise

1 Amuleina 19:8

Elie mi tchol akulo, mi te, mi tche, mi fad’enga ki te máma, mi tit gagak burâ dok fid’i falei kandjege, mi mbaza yam ahinad’a hAlona d’a Horep-pa.

Buzuk ka Abud’a 24:18

Moise mi kal kur d’ugula, mi djak akulo yam ahinad’a, mi le burâ dok fid’i falei kandjege akulo yam ahina ndata.

Buzuk ka Abud’a 34:28

Moise mi kak sä hî ki Ma didina burâ dok fid’i falei kandjege, mi te nga avu d’uo, mi tche nga mbiyo d’uo mi. Ma didina mi b’ir zla d’a a djin vunazi kata kä kur ahina d’a bebed’e d’a tcheta, nala, vun ma he ma dogona.

Matiye 21:18

Ki yorogo tcholol la Jesus nga mi hulong kur azì ma ngolîd’a, meid’a nga d’i tchumu.

Matiye 25:35

Kayam meid’a ti tchanu, agi han tena; vunan mi so, agi han mbiyo ma tched’a; an mba akoid’a, agi van avo hatagi mi.

Matiye 25:42

Kayam meid’a ti tchanu, agi han nga vama te d’i; vunan mi so, agi han nga mbiyo ma tche d’i.

Marik 11:12

Tcha ndjivinda, kid’a azi buzuk kei kur Betani-d’a, Jesus meid’a nga d’i tchumu.

Wana ni Zla d’a Djivi d’a Luc mi b’irita 4:2

Mi le burâ dok fid’i kua, Diable nga mi kugum mi. Kur bur máma pet mi te nga va d’i. Kid’a bur máma dapa, meid’a nde d’i tchumu.

Jean 4:6

Ata yi máma, golonga hi Jakob-pa nga kua. Kayam Jesus mi kau abo tita, mi kak kä avun golonga kafata faleya.

Gat ta a hat á mbàd’id’a 18:18

An mba ni tchol ki ma djogon vunana tu ma adugï b’oziyozina ma d’igi ang na na, an mba ni tinim zla manda avunamu; mam mba mi dazi ahlena pet suma an mba ni hum vuna kazina.

Gat ta a hat á mbàd’id’a 9:18

Moise mi de kua ala: Bugol ahle ndazina, an grif kä avok Ma didina, an le burâ dok fid’i falei kandjege d’igi an ladjeu na bei ni te tena, bei ni tche mbina ba, kayam tcho d’a pet ta agi lata, kahle suma tcho suma agi lazi avok Ma didina á zalam huruma.

Gat ta a hat á mbàd’id’a 9:25

Ata yima an hum Ma didina mi dala mam min mi dabagi woyo na, an grif kä avoromu, an le burâ dok fid’i falei kandjege.

Gat ta a hat á mbàd’id’a 9:9

Kid’a an djak akulo yam ahinad’a á veï ahina d’a bebed’e d’a tchet ta Ma didina mi djin vunam ki sed’egi kura, an le burâ akulo yam ahinad’a dok fid’i falei kandjege bei ni te tena, bei ni tche mbina ba mi.