Matiye 3:7 - Bible azumeina

⁷ Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Matiye 3:7 Iomraidhean Croise

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Zla d’a d’ogolâ 28:4

Suma a nga tit yam gata d’uo na, a nga läd’u sama asa’atna, wani suma a nga tit yam gatina a ka’î djangûna ki sed’emu.

Isai 59:5

Nga hur magina mayîna d’igi ase gugui ma ayînina. Sama lara ma mi doma mi tchum atogo zak. Le a tom mbeyo ni, mageid’a buzuk kei kurumî ndad’u. Baru ma agi nga tchilima nabeid’a hi djudjugad’a, mi ndak nga á tchuk atang ngi, ndak nga á zlup kang nguo mi, wani ná mba ki ndaka. Kayam abogi mi le ni sun nda murud’umba vat tu.

Jeremi 51:6

Agi ringîgi woi kur Babilon, ar nge nge pî mi sut tamu, ar a tchagi woi yam tcho mata d’i, kayam ni yima sä atchugula hi Ma didinina, mba mi wuragat yam sun mata.

Jeremi 6:10

Jeremi mi dala: An de zlad’a ni mi nge ge? An le glangâsâ ni mi nge ba, mba mi humun nge? Gola! A duk humazi woyo, a ndak á hum mbi. Zlad’a hi ang Ma didinid’a ti mbut ni vama ngula ataziya, tazi nga d’i lazi djivi kat tuo mi.

Matiye 12:24

Kid’a Fariziyêna a hum hina d’a, a dala: Sa máma nga mi dik muzuk ma teteng ma tchona woi ni kad’eng nga Belzebul amulâ hi muzuk ma tchona mi humzid’a.

Matiye 12:34

Agi gro mageid’a, ni nana ba, agi suma tchona ndak á de vama djivina ge? Kayam ahle suma a nga oîd’a kur sanina ba, a buzuk kei avunam á ded’a.

Matiye 15:12

Bugola, mam suma hata a mba, a dum ala: Ang we nga d’ala Fariziyêna huruzi zal yam zla d’a ang data d’uo zu?

Matiye 16:1

Fariziyêna azi ki Sadusiyêna a mba ata Jesus. A kugum ala mi tagazi vama simat ma mi tcholï akulona.

Matiye 16:6

Jesus mi dazi ala: Agi gologi tagi djivi kangufa hi Fariziyênid’a ki d’a hi Sadusiyênid’a.

Matiye 22:15

Ata yi máma, Fariziyêna a i a ndjak vunazi ala ni nana ba, azi ve Jesus ki zla d’a de d’a avunamba ge?

Matiye 22:23

Kur bur máma, Sadusiyê suma a nga dala suma matna a mba tchol akulo d’uo na, a mba ata Jesus, a djobom ala:

Matiye 22:34

Wani ata yima Fariziyêna a hum ala Jesus mi seng wa vun Sadusiyêna sililu na, a tok tazi kamu.

Matiye 23:33

Agi guguyona, agi mageid’a grotna! Ni nana ba, agi mba ringîgi woi abo sariya d’a ka d’a ti tchugugi aduk aku d’a Jahanama-d’a ge?

Matiye 5:20

Kayam ndata, an nga ni dagiya, le d’ingêr magid’a kal nga d’a hi suma hat gata ki d’a hi Fariziyênid’a d’uo ni, agi mba kalagi kur leu d’a akulod’a d’i.

Marik 12:13

A sun suma dingâ aduk Fariziyêna azi ki suma hi Herot-na ata Jesus, kayam a hal á vum ki zla d’a de d’a avunamba.

Marik 12:18

Sadusiyê suma a nga dala suma matna a mba tchol akulo d’uo na, a mbeï ata Jesus, a djobom ala:

Marik 8:15

Jesus mi gad’azi ala: Agi gologi tagi djivi kangufa hi Fariziyênid’a kangufa hi Herot-ta mi.

Wana ni Zla d’a Djivi d’a Luc mi b’irita 16:14

Fariziyêna a hum zla ndata pet, a ngulumu, kayam azi ni suma a le yam beged’ina.

Wana ni Zla d’a Djivi d’a Luc mi b’irita 18:11

Fariziyê máma mi tchol tchen hina yam tamba ala: Alona, an lang mersi kayam an nga d’igi suma hiu suma kula d’oze suma bei d’ingêrâ d’oze suma mizeuna na d’i, d’igi ma ve lombod’a ma wana na d’uo mi.

Wana ni Zla d’a Djivi d’a Luc mi b’irita 7:30

Wani Fariziyêna azi ki suma hat gata a noî minda hAlonid’a woyo, kayam azi min nga ala Jean mi lazi batemba d’i.

Jean 1:24

Sum ndazina ni suma Fariziyêna a sunuzïna.

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Jean 9:40

Fariziyê suma hiu suma a nga gevema, a hum zla ndata, a djobom ala: Ami ni duka mi zu?

Sunda hi suma a sunuzinid’a 15:5

Wani suma hiu suma a nga kur hata hi Fariziyê suma a he gagazid’ina, a tchol a dala: Djivid’a a ngat andjaf suma ding suma a he gagazid’ina bayâd’a, a hazi vuna á ngom gata hi Moise-sa mi.

Sunda hi suma a sunuzinid’a 20:31

Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

Sunda hi suma a sunuzinid’a 26:5

Azi pet a wan tit manda adjeu dei, a ndak á le glangâsâ kan ala an naduk adesâ hi suma a nga tit ad’u gat mamid’a bei d’es sei nde ba na, nala, aduk adesâ hi Fariziyênina mi.

Sunda hi suma a sunuzinid’a 5:17

Wani ma ngol ma ngat buzuna ki suma a nga ki sed’ema pet, nala, suma a nga ad’u Sadusiyênina, a le yungôra yam suma a sunuzina heî.

Romê-na 1:18

Ayîna hAlonina mi ndeï woi kur akulod’a yam suma batrangâ ki suma le tchod’a pet suma sun mazi d’a tchod’a nga d’i d’el gagazid’a bei le sundina.

Romê-na 5:9

Ki tchetchemba, Alona mi mbud’i suma d’ingêrâ avorom yam buzuna hi Christ ma mi djang ngeina. Wani kal pet, Christ mba mi sud’i woi kur ayîna hAlonina mi.

1 Tasaloni’â 1:10

á djup Gorom ma nga mi tcholï akulo mi mba na ge. Ni Goroma Jesus ma mam tcholom akulo aduk suma matnina, ni Ma nga mi sud’i woi kur ayîna hAlona ma nga mi mbana.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.

1 Jean 3:10

Lovot ta ei wei Alona groma ki Diable groma teteta ba wana: Nge nge pî ma nga mi le d’ingêra d’uo na, nga mi le yam wiyema d’uo mi ni, nAlona goroma d’i.