Matiye 3:16 - Bible azumeina

¹⁶ Ata yima Jean mi le Jesus batembina, Jesus mi tup pei akulo aduk mbina. Ata yi máma na wat, akulod’a ti mal leyo, Jesus mi we Muzu’â hAlonina mi surop kam kä d’igi gugud’a na mi.

Matiye 3:16 Iomraidhean Croise

Isai 11:2

Muzu’â hi Ma didinina mba mi kak kamu. Ni Muzuk ma ne ma wad’ud’a, ni Muzuk ma de d’al ma ad’engâ, ni Muzuk ma we ma le mandara Ma didinina mi.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 59:21

Ma didina mi dala: Wana ni vun ma djin ma an djinim ki sed’egina: Muzuk mana mba mi kak kagiya, an mba ni tinigi zla manda avunagiya. Mba d’i wal lei ki sed’egi d’oze grogina d’oze grogi ngolona d’uo mi, arî hina gak didin. An Ma didina ni de na.

Isai 61:1

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi,

Ezekiyel 1:1

Kur biza d’a dok hindid’a, kur bur ma vahlâ hi til ma fid’ina hi biza ndatina, kid’a an nga aduk suma a yozi magomba avun alum ma Kebar-rîd’a, akulo ti mal leyo, vana mi tcholï ata Alona, mi nde tam mbei iranu.

Marik 1:10

Kid’a Jesus nga mi tup pei akulo aduk mbinid’a, atogo hina zak mi we akulod’a ti mal leyo, Muzu’â hAlonina mi surop kam kä d’igi gugud’a na.

Jean 1:51

Jesus mi dazi kua ala: Gagazi, an nga ni dagiya, agi mba wagi akulod’a mal leyo, malaikana hAlonina a nga djagï akulo a mba hulongî kä kan an Gor Sana mi.

Jean 3:34

Mam ma Alona sunumïna, mi de ni zlad’a hAlonid’a, kayam Alona nga mi hum Muzuk mama ni bei ngad’a.

Sunda hi suma a sunuzinid’a 1:22

ni ma mi tinï ad’ud’a ata batemba hi Jean-d’a dei gak bur ma Alona mi hle Jesus sä akulo adigeina. Mbeî sa máma mi mbut ni ma le glangâsâ zlapa ki ami yam tchola hi Salad’a Jesus d’a akulo aduk suma matnid’a.

Sunda hi suma a sunuzinid’a 7:56

Mi dazi ala: Agi gologiya! An wakulod’a mal leyo, Gor Sana mi nga tchola ata Alona bigam mba ndjufa mi.

1 Jean 5:6

Jesus Christ ni ma mba ki mbina hi batem mamba ki buzuna hi mat mamina. Mi mba ni ki mbina hol li, wani ki mbina ki buzuna mi. Muzu’â hAlonina tamba ni ma nga mi le glangâsâ kama, kayam Muzu’â ni ma gagazina.