Matiye 3:10 - Bible azumeina

¹⁰ Ki tchetchemba, andjetna mi ged’a kä ad’u aguna. Agu ma lara ge pet ma nga mi vut vut ta djivid’a d’uo na, a mba kam mbeyo, a mba gum aduk akud’a.

Matiye 3:10 Iomraidhean Croise

2 Samuel 23:7

Sama mi dotna mi dot ni ki kaweina d’oze agu asapa, mi ngalat ni ata yat máma.

Sawal la giled’a 1:3

Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

Sawal la giled’a 140:10

Ar suma a nguyuna zla d’a tchod’a ndavunazid’a, ti hulong kaziya.

Sawal la giled’a 92:12

Iran ndi mal lei yam suma a nga kud’uguna, human nga d’i hum zlad’a hi suma a tok tazi kan á tchana mi.

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Jeremi 17:8

Mi hle tamî d’igi agu ma a pum avun mbina ma sideyem mi i kä aduk mbiyo ma djangîna na, nga mi we huwaka d’i, humam ti ni d’ufa hina gugulî. Kur biza d’a sod’a pî, humam nga d’i lugot ti, nga mi ba bei vut tuo mi.

Daniel 4:14

mi er ad’um akulo, mi de ki delem mba ngola ala: Agi kagi agu máma ka woyo, agi kizagam abom mbeyo, agi kragagizi humam mbeyo, agi yagagizi vud’um mbeyo. Ar ahle suma abageina a ring ngei ad’umu, ar aluwei suma akulona a pir rei ata abom mi.

Matiye 21:19

Mi we tuluma mi nga tchola avun lovota, mi i atamu, wani mi fe nga va d’i, ni humam hol. Jesus mi dum ala: Ang dok vut tuo d’a. Ata yi máma na wat, mi so woyo.

Matiye 7:19

Agu ma lara ge ma nga mi vut vut ta tchod’ina, a mba kam mbeyo, a mba gum aduk akud’a.

Wana ni Zla d’a Djivi d’a Luc mi b’irita 23:31

Le a nga le tcho ki sed’en an ma d’igi agu ma arina na ni, ni nana ba, a mba le ki sed’egi agi suma d’igi agu ma soina na na ni na na d’ang ge?

Wana ni Zla d’a Djivi d’a Luc mi b’irita 3:9

Ki tchetchemba, andjetna mi ged’a kä ad’u aguna. Agu ma lara ge pet ma nga mi vut vut ta djivid’a d’uo na, a mba kam mbeyo, a mba gum aduk akud’a.

Jean 15:2

Abo ma lara pî ma nga atana, le nga mi vut tuo ni, mam mba mi kam mbeyo. Abo ma nga mi vutna, mam nga mi tchawam abom mbeyo, kayam mi hulong mi vut vut ta kala.

Jean 15:6

Le sama nga kaka zlapa tu ki sed’en nduo ni, Abun mba mi gum mbei d’igi a gabo guguzlud’a woi na, mba mi so woi mi. Bugola, a togomu, a tchugum aduk akud’a, a ngalam mbeyo.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

Hebre-na 6:8

Wani le andagad’a nga d’i deî awei-avirina ki himbirâ ni, zlat nga d’i. Ar go Alona mba mi gat vuna, dabi mata ni ngala mi.