Matiye 26:5 - Bible azumeina

⁵ Wani azi nga dala: Ar ei vum kur yima vun tilâ d’i, kayam ar huneîd’a ti tchol aduk suma d’i.

Matiye 26:5 Iomraidhean Croise

Zla d’a d’ogolâ 19:21

Djib’er ra kur sanid’a nablaud’a, wani ni nga hurâ hi Ma didinina ba, mba mi ndagat vunad’u.

Zla d’a d’ogolâ 21:30

Ned’a d’oze wad’ud’a d’oze d’alâ ma kak djangûna ki minda hi Ma didinid’ina nga d’i.

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Hor ma tchina 3:37

Ni nge ba, mi de ba ahle ndazina a le ge? Ni Salad’a ba, mi he vuna d’uo zu?

Matiye 14:5

Herot mi min ala mi tchumu, wani nga mi le mandara Juif-fâ, kayam azi we Jean ala ni ma djok vun Alona.

Matiye 21:26

Wani le ei dei wa ala: Suma sunumï ni aziya ni, ei lei ni mandara suma, kayam suma pet a we Jean ala ni ma djok vun Alona.

Matiye 27:24

Ata yima Pilat wala mam ndak á le va d’uo na, wani yala nga mi i avogovogo, mi gul mbina, mi mbus abom avok ablau suma. Mi dazi ala: Buzuna hi sama d’ingêr mámina nga kan ndi, ni zla magid’a.

Marik 14:12

Ad’u tinda hi vun til ma a lum kavungô ma bei angufinid’a, ni yima azi nga ngat tumiyôna Pa’â kuana, suma hata hi Jesus-na a dum ala: Nata yima lara ba, ang min ala ami i mining yima ei tei Pa’â kuana ge?

Marik 14:2

Wani azi nga dala: Ar ei vum kur yima vun tilâ d’i, kayam ar huneîd’a ti tchol aduk suma d’i.

Marik 14:27

Jesus mi dazi ala: Agi pet mba aran ndeyo, d’igi mbaktumba hAlonid’a ti de na ala: An mba ni tchi ma pola, tumiyôna a mba b’rau woi yayak.

Wana ni Zla d’a Djivi d’a Luc mi b’irita 20:6

Wani le ei dei wa ala: Suma a sunumï ni aziya ni, suma pet a mba duri kahinad’a, a tchiya, kayam suma a we Jean ala ni ma djok vun Alona.

Wana ni Zla d’a Djivi d’a Luc mi b’irita 22:7

Ata yima bur ma vun til ma lum kavungô ma bei angufina nda’â, ni yima azi ngat tumiyôna Pa’â kuana,

Jean 18:28

A nde Jesus woi avo hi Kayif ki yorogo tcholola, a im kur azina hi ma te yambina. Azi tazi tchuk nga kua d’i, kayam azi min mbut tazi ndjendjed’a d’i, kayam azi fe lovota te Pa’â.

Sunda hi suma a sunuzinid’a 19:29

Suma hur azì ma ngol máma pet a tum akulo, a zirik ringâ abo tazi tu. A i yo Gayus azi ki Aristarik suma Maseduwan-na, ni Paul ndrom suma tita, a izi avok suma ata yima luna.

Sunda hi suma a sunuzinid’a 21:38

Angî ma Ezipte ma zut suma fata ka tchetchem á le yam mba ad’enga ki suma te yamba ang yo suma tchi matna dudubu fid’i ang i ki sed’ezi abagei hur fulîna d’uo zu?

Sunda hi suma a sunuzinid’a 4:28

A lahlena pet suma ang gazi kur ad’eng manga ki min manga avok dei á led’ina.