Matiye 26:15 - Bible azumeina

¹⁵ Mi dazi ala: Le an hagi Jesus abogiya ni, agi mba han ni me ge? A hum bege d’a hapa dok hindi.

Matiye 26:15 Iomraidhean Croise

Ad’u Tinda 38:16

Mi wat nga d’ala nakunomba d’a d’i, mi i geved’u, mi dat ala: An min bur ki sed’egu. Ti hulong dum ala: Ang han ni me ba, ang bur ki sed’en nge?

Buzuk ka Abud’a 21:32

Le amuhlâ mi tchok magoma d’oze magomba ni, ar sala amuhlâ mi wurak bege d’a hapa dok hindi mi sala magoma, a dur amuhl máma kahinad’a mi.

Isai 56:11

Azi nadurei suma d’od’ok suma a nga hop ki va d’uo na, azi ni suma pol suma bei wäd’u zlad’ina, azi pet nge nge pî, mi hle ni lovot mamba, nge nge pî, mi halî djivi d’a yam mam tambid’a mi.

Sunda hi suma hi Levi-nid’a 27:4

Le natchad’a ni, ang he bege d’a hapa dok hindi.

Matiye 10:4

Simon ma kak djangûna ki gata hi Romê-nid’a avo’â ki Judas Iskariyot ma mba he Jesus abo mam suma djangûnina.

Matiye 26:16

Ata yi máma, nga mi hal lovota á hazi Jesus aboziya.

Sunda hi suma a sunuzinid’a 1:18

Sa máma mi gus asinena ki wurak mam mba tchod’a, mi ge tam kä, hayam mun ndeyo, aruwad’am buzuk kei mi.

1 Timote 3:3

Ni ma bei gurut ki süma, ni ma bei to sana, ni ma halasâ, ni ma bei le huneîd’a, ni ma bei le yam beged’ina mi.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

Suma ka sariyad’a 16:5

Amulei suma Filistê-na a i geved’u, a dat ala: Ndak i lobom á we d’ala ad’eng mam mba tcho tcho ndata ti tcholï ni lara ge d’a? Ni nana ba, ami mba kuzumi kam ami mba hulongôm yam kä ge? Hina wani, nge nge pî adigami mba mi hak bege d’a hapa kikisa dogo yam tutu.

Suma ka sariyad’a 17:10

Mika mi dum ala: Ang kak ki sed’enu, ang mbut ma ngat buzuna avo hatanu. An mba ni hang bege d’a hapa dogo dogo bizad’a ki bizad’a, ki baruna ki te mangâ mi. Ma hi Levi máma mi kal avo hatamu.