Matiye 26:10 - Bible azumeina

¹⁰ Wani Jesus mi we zla ndata, mi dazi ala: Ni kayam me ba, agi ndagagi atcha ndata hina ge? Ti le ni sun nda ata yata kanu.

Matiye 26:10 Iomraidhean Croise

Nehemi 2:18

An vazi ad’ud’a ala ni nana ba, Alo man ma djivina iram nga tinda kan nge? An dazi zla d’a amulâ mi dandjid’a mi. Azi dan ala: Ei tcholeya, ei minïziya. A ve tazi ad’enga kur zla d’a djivi d’a azi nga huruzi kat ndata mi.

Wana ni mbaktumba hi Job-pa 13:7

Agi mba dagi zla d’a ata irat tuo d’a á ndjun Alona zu? Agi mba mbud’ugi ir suma á ndjunum mi zu?

Matiye 26:11

Agi nga ki suma houd’a teteu, wani an nga ki sed’egi teteu d’i.

Matiye 26:9

Sana mi ndak á gus mbul máma woi ki beged’a ngola á he mi suma houd’a.

Marik 14:6

Wani Jesus mi dazi ala: Agi arad’u, ni kayam me ba, agi ndagat hina ge? Ti le ni sun nda ata yata kanu.

Wana ni Zla d’a Djivi d’a Luc mi b’irita 8:49

Kid’a Jesus nga mi de zla ndata tua d’a, sama sunda tcholï avo hi ma ngolâ hi gong nga toka. Mi mba mi de mi Jairus ala: Goronga mit wa, ang kau ma hat suma d’uo d’a.

2 Korente-na 9:8

Alona mi ndak á hagi ahle suma djivi suma lara ge pet, kayam agi fagi ahle suma ndagagina burâ ki burâ, kayam agi hagi ngola á le ki sun nda djivi d’a lara ge pet mi.

Galat-na 1:7

Gagazi, Zla d’a Djivi d’a ding nga d’i, wani an nga ni dagi hina kayam suma dingâ a nga b’lagagi djib’er magid’a, a min mbut Zla d’a Djivid’a hi Christ-sa yat kä.

Galat-na 5:12

An min ala suma a b’lagagi djib’er magid’ina, a ngat hud’uzi woyo!

Galat-na 6:17

Ki tchetchemba, ar sa kawan ndi, kayam an nga ki ahura hi Jesus-d’a atan á tak kei ala an ni magoma hi Jesus-na.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Kolos-sâ 1:10

Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.

2 Tasaloni’â 2:17

mi b’lengêgi hurugiya, mi siragi ngingring á le sunda djivi d’a lara ge pet ki zla d’a djivid’a.

1 Timote 3:1

Wana ni zla d’a irata: Le sana mi hal sun nda gol Toka ni, mi halî sun nda djivid’a.

1 Timote 5:10

ni d’a suma a le glangâsâ yam sun mat ta djivid’id’a, ni d’a nga d’i ngom grotna djivid’id’a, ni d’a lakoyogeinid’a, ni d’a mbus asem suma hAlonid’ina, ni d’a ndjun suma hohoud’id’a, ni d’a le sunda djivi d’a lara ge pet mi.

2 Timote 2:21

Le sama wal tam mbei kahle suma tcho suma an dang kazina ni, mam mba mi mbut ni dei ma djivi ma Salama mi ndak á le sun nda djivi d’a lara ge pet ki sed’ema.

Wana ni mbaktum mba Paul mi b’irit mi Tit-ta 1:16

A nga dala azi wAlona, wani kur sun mazi d’a led’a a tin vunazi kamu. Azi ni suma tchona, ni suma bei hum vuna, azi ndak á le sun nda djivid’a d’i.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Wana ni mbaktum mba Paul mi b’irit mi Tit-ta 3:1

Ang gazi humazi a ge yazi kä ad’u suma te yamba ki suma ad’enga, a humuziya, a min tazi á le sun nda djivi d’a lara ge pet.

Wana ni mbaktum mba Paul mi b’irit mi Tit-ta 3:14

Ar sum meina a hat á le sun nda djivid’a teteu, kayam a fahle suma a kid’agazina, kayam tit mazid’a kak bei vuta d’i.

Wana ni mbaktum mba Paul mi b’irit mi Tit-ta 3:8

Zla ndata ni zla d’a irata. An min ala ang dazi zla ndata kad’enga, kayam suma he gagazid’a yam Alonina a min tazi á le sun nda djivid’a. Zla ndata ni zla d’a djivid’a yam suma á led’a.

Hebre-na 13:21

Ar Alona mi mbud’ugi suma ndak memetna yam sun nda djivi d’a lara ge pet á le min mamba. Ni ma nga mi le sun nda djivid’a kuri yam Jesus Christ á lum tam djivid’ina. Ni Jesus Christ ma ei suburum gak didina. Amin!

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.