Matiye 24:3 - Bible azumeina

³ Jesus mi nga kak kä yam ahina d’a Olif-fa. Mam suma hata a mba gevem vaziya, a djobom ala: Ang damiya, ahle ndazina a mba le ni mindja ge? Vama simat ma mba mi le ba suma a mba wala mba manga ki dabid’a hi duniyad’id’a a ar go na, ni me ge?

Matiye 24:3 Iomraidhean Croise

Matiye 13:36

Bugola, Jesus mi ar ablau suma, mi kal avo. Mam suma hata a mba gevem a dum ala: Ang vami ad’u zla d’a d’ogola hi barum mba hur asinenid’a.

Matiye 13:49

Fat ta dabid’a hi duniyad’id’a ni na mi. Malaikana a mba mba á wal ir suma tchona ki suma d’ingêrâ.

Matiye 15:12

Bugola, mam suma hata a mba, a dum ala: Ang we nga d’ala Fariziyêna huruzi zal yam zla d’a ang data d’uo zu?

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Matiye 16:28

Gagazi, an nga ni dagiya, suma dingâ a nga aduk suma tchola kä wana a mba bo d’i, gak azi mba wan an Gor Sana mba ni mbeï kamul manda.

Matiye 17:19

Bugola, suma hata a mba gen Jesus gumun vaziya. A djobom ala: Ni kayam me ba, ami ndak á dik muzuk ma tcho máma woi d’uo ge?

Matiye 21:1

Kid’a Jesus azi ki sum mama a mba go ki Jerusalem-mba, a mba Betfage go kahina d’a Olif-fa. Jesus mi sun mam suma hata mbà,

Matiye 24:27

Ni d’igi alona mi wileï abo ma yorogona gak mi ndeza woi abo ma fladegena na, mbad’a hi an Gor Sanid’a ni na.

Matiye 24:30

Ata yi máma, simata hi an Gor Sanid’a mba d’i ndeï akulo. Kur bur máma andjaf suma yam andagad’ina pet a mba tchiya, a mba wan an Gor Sana mba ni mbeï kur d’ugula kad’enga ki subur ra ngola.

Matiye 24:37

Wani mbad’a hi an Gor Sanid’a mba d’i le ni d’igi burâ hi Noe-na na mi.

Matiye 24:39

Azi we nga va d’i, gak mbina mi mba mi yozi woi pet. Mbad’a hi an Gor Sanid’a mba d’i le ni hina dedege mi.

Matiye 24:43

Wani agi wagi djiviya, le samazina mi we yima sama kula nga mba kuana ni, mi ka’î ndjola, nga mi ar ma kula mi kulum mbi.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Wana ni Zla d’a Djivi d’a Luc mi b’irita 21:7

Mam suma hata a djobom ala: Ma hat suma, ahle ndazina a mba le ni mindja ge? Vama simat ma mba mi le ba suma a mba wala ahle ndazina a mba wa go na ni me ge?

Sunda hi suma a sunuzinid’a 1:7

Jesus mi hulong dazi ala: Nga ni kayam agi á wagi yina d’oze atchogoi d’a Abun mi ngat kur ad’eng mambid’a d’i.

Hebre-na 9:26

Le ni na ni, mbeî Christ mi fe ndaka yam ablaud’a bugol ad’u tinda hi duniyad’id’a. Wani ki tchetchemba, kur atchogoi d’a dabid’a, mi he tam yam tu á hle tchod’a woi ki he d’a mi he tam mbei vama ngat buzunid’a.