Matiye 23:8 - Bible azumeina

⁸ Wani agiya, ar a yagi ala Suma hat suma d’i, kayam Ma hata ni tu, agi pet ni b’oziyo tagiya.

Matiye 23:8 Iomraidhean Croise

Matiye 10:25

Ma hata mi ndak á mbut d’igi sama had’ama na, azongâ mi ndak á mbut d’igi salama na mi. Le a yi samazina ala Belzebul-lu ni, a mba yi suma avo hatama tchod’a kal luo zu?

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Matiye 23:10

Ar sa mi yagi ala Suma avok sumina d’uo mi, kayam Ma avok sumina ni tu, ni Mesi.

Matiye 23:7

A min ala suma a gazi depa ad’u su’â, a yazi ala Suma hat suma mi.

Matiye 26:25

Judas ma hum abo sumina, mi djobom ala: Ma hat suma, ni an ndju? Jesus hulong dum ala: Ang de wa da’.

Matiye 26:49

Ata yi máma na wat, Judas mi hut go gen Jesus, mi dum ala: Lafiya, Ma hat suma, an gang depa. Mi sobom vunamu.

Marik 10:51

Jesus mi hulong dum ala: Ang min ala an langî me ge? Ma duka mi dum ala: Salana, ar ang malan iran ndeyo.

Marik 11:21

Pierre humam gum kayam zla ndata, mi de mi Jesus ala: Ma hat suma, ang gola. Tulum ma ang gum vunina, mi so wa woyo.

Marik 14:45

Ata yi máma na wat, Judas mi mba, mi hut gen Jesus, mi dum ala: Ma hat suma, mi sobom vunam mi.

Marik 9:5

Pierre mi de mi Jesus ala: Ma hat suma, djivid’a ei kagei ka hî. Ar ami vami zlub’ud’a hindi, tu kangû, tu yam Moise, tu yam Elie mi.

Wana ni Zla d’a Djivi d’a Luc mi b’irita 22:32

wani an tchen wa Alona kangû, kayam he gagazi manga kid’ak ki. Wani ata yima ang hulong kur lovot mangina, ar ang sira b’oziyongâ.

Jean 1:38

Jesus mi mbut iramu, mi golozi a nga tid’ï ad’umu, mi djobozi ala: Agi halagi ni me ge? Azi hulong dum ala: Rabi (nala, Ma hat suma), ang kak nga ni lara ge?

Jean 1:49

Natanayel mi hulong dum ala: Ma hat suma, angî Alona Goroma, angî amulâ hi Israel-lîna.

Jean 11:8

Suma hata a dum ala: Ma hat suma, Juif-fâ a halang á durâ kahinad’a ka tchetchem wana. Ang dok hulong kua d’ei?

Jean 20:16

Jesus mi dat ala: Marie! Ti pret tad’u, ti dum ki vun Hebre-na ala: Raboni, nala, Ma hat suma.

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.

Jean 3:26

Azi mba gen Jean, a dum ala: Ma hat suma, mam ma nga zlapa ki sed’eng sä abo alum ma Jurdê-na woi hî na, ni ma ang le glangâsâ woi kama, gola, nga mi le suma batemba, suma pet a nga i gevem mi.

Jean 4:31

Kid’a atcha ndata ti id’a, suma hata a tchenem ala: Ma hat suma, ang mbeï te nde tua.

Jean 6:25

Kid’a azi fum sä abo apo d’a woi hî d’a, a dum ala: Ma hat suma, ang mba ka hî ni mindja d’ö?

Jean 9:2

Mam suma hata a djobom ala: Ma hat suma, sama le tchod’a ba a vud’um ki dukina ni nge ge? Ni sa máma, d’oze simiyêm suma a vud’uma zu?

2 Korente-na 1:24

Kayam ami minimi á te yam he gagazi magid’a d’i, kayam agi nga kaka ngingring kur he gagazid’a, wani ami min ei lei sunda zlapa tu yam djivi magid’a.

2 Korente-na 4:5

Kayam ami nga tchami wala ni yam ami tami d’i, wani ami nga tchami wala ni yam Jesus Christ ala mam mi Salad’a. Ami nga dagi ala ami nazungeî magina yam Jesus mi.

Efes-sâ 3:15

ma tin simina mandjaf ma lara ge pet ma sä kur akulod’a ki ma yam andagad’a mi na.

Filemon 1:16

Wani ni d’igi magoma na d’i, wani mi kal magoma, ni wiyei ma ei lei kam heî yam Christ-sâ. An le kam heî, wani ang mba le kam kala, ni magoma mi na, wani ni wiyengâ yam Salad’a.

Jacques 3:1

B’oziyona, ar suma ablaud’a adigagi a min á mbut suma hat suma d’i, kayam agi wagiya, ei suma hat suma, a mba kei sariyad’a kei ngola kal suma dingâ.

1 Pierre 5:3

Agi halagi á tagi yam suma Alona mi hagizi abogi á ngombina d’i, wani agi mbud’ugi ni vama simata hades mamina.

Vama ndum mbeina 1:9

Ni an wiyegina Jean ndragi ma kur ndaka zlapa ki sed’egi yam Jesus yam leud’a hAlona d’a ei nga djubut ki ve tad’id’a. An nga kur til la a yat ala Patmos-sa, kayam an tchi wal zlad’a hAlonid’a ki gagazi d’a Jesus mi ndat teid’a mi.

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.

Vama ndum mbeina 22:9

Wani mi dan ala: Ang gol tang djiviya. An ni ndrang ma sunda d’igi ang na, d’igi b’oziyong suma djok vun Alona azi ki suma pet suma a ge yazi kä ad’u zla d’a kur mbaktum ndatid’a na. Ang kud’orî Alona hol.