Matiye 22:3 - Bible azumeina

³ Mi sun azungeî mama á yumï suma mi yazi yam te ma telina, wani azi min á mba d’i.

Matiye 22:3 Iomraidhean Croise

Sawal la giled’a 68:11

Alo mamina, yam djivi manga sum mangâ a nga kaka yam andaga d’a ang minit yam suma hohoud’id’a.

Isai 30:15

Salad’a Ma didin ma tin tam irat vat yam Israel-lîna mi dala: Le agi kagagi tchugot agi hulongôgi atanu ni, an mba ni sud’ugiya. Le agi kagagi tchugot agi tinigi hurugi kanu ni, nad’eng magid’a. Wani agi minigi nga d’i!

Jeremi 25:4

Ma didina nga mi sunugï azungeî mam suma djok vuna kur bur ma lara ge pet, wani agi humugi nga d’i, agi tinigi nga humagi á humba d’uo mi.

Jeremi 35:15

An nga ni sunugi azungeî man suma djok vuna pet, an nga ni sunugizi burâ ki burâ á dagi ala: Nge nge pî adigagi mi ar tit mam mba tchod’a, mi hulongîya. Agi aragi sun magi d’a tchod’a woyo, ar agi zlabagi tagi kalo ma dingâ á kud’urom mbi. Hina wani, agi mba kagagi kur andaga d’a an hagizi zlapa kabuyogi ngolod’a. Wani agi tinigi nga humagi á humba d’i, agi gagi nga yagi kä ad’un nduo mi.

Wana ni mbaktumba hi Oze-d’a 11:2

Wani Israel-lâ a wal tazi woi ki an Ma ni yazina, a hahle suma ngat buzuna mi Bäl, a ngal dubang ma his djivid’ina mi fileina mi.

Wana ni mbaktumba hi Oze-d’a 11:7

Sum mana a so tazi á wal tazi woi ki sed’enu, a nga yazi ala a mbut irazi yam an ma sä akulo ma kal teglesâ pî, sama adigazi ma hle tam hina b’ene’â nga d’i.

Sofoni 1:7

Agi kagagi ki vunagi ma du’â avok Salad’a Ma didina, kayam bur mama mi mba wa go, mi min wa va mam ma ngat buzuna, mi tin wa suma mam yazina irazi vazi mi.

Matiye 21:34

Kid’a yima duta ndaka, mi sun azungeî mama gen suma sun ndazina, kayam a vumï vud’a guguzlud’a hasinenid’a.

Matiye 23:37

Jesus mi de kua ala: Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Matiye 3:2

Mi dala: Agi mbud’ugi hurugi yam tcho magid’a, kayam Alona mi mba wa go á te leu mamba yam andagad’a.

Matiye 9:15

Jesus mi dazi ala: Suma sala tela mi yazina a ndak á d’el tazi bei te tena kid’a sala tela mi nga ki sed’ezi tua d’a zu? Nga na d’i! Wani burâ nga mi mba, a mba hle sala tela woi adigaziya. Kur bur máma, a mba d’el tazi bei te tena tua.

Wana ni Zla d’a Djivi d’a Luc mi b’irita 13:34

Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Wana ni Zla d’a Djivi d’a Luc mi b’irita 15:28

Wani gor ma ngolâ mi mbut ayîna, mi min kal avo d’i. Kayam ndata, abum ndeya, mi tchenemu.

Wana ni Zla d’a Djivi d’a Luc mi b’irita 19:27

Wani man suma djangû suma a min an te kazi d’uo na, agi mbeyendjï ka hî, agi tchazi kä woi avoron wana.

Jean 5:40

Wani agi min mbagi geven ndala agi fagi arid’a d’a d’i.

Sunda hi suma a sunuzinid’a 13:45

Wani kid’a Juif-fâ a wablau sumid’a, a le yungôra, a nga tchi tuguyod’a ki zla d’a Paul mi data, a nga lazad’u.

Romê-na 10:21

Wani mi de zlad’a yam Israel-lâ hina ala: An nga ni mat abon burâ ki burâ mi suma bei ge yazi kä suma bei hum vunina.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

Hebre-na 9:15

Kayam ndata, Christ ni Ma aduk suma kAlona yam vun ma djin ma awilinina, kayam suma Alona mi yazina a fahle suma djivi suma didin suma mi hlazi vunam kazina. Azi ndak á fazi yam matna hi Christ ma wurak kazi yam tchila d’a azi tchila yam vun ma djin ma avo’îna.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

1 Samuel 9:13

Agi kalagi hur azina, agi mba fum avok bei mam djak akulo ata yima nding ma a tinim iram vama á te tena. Bei mam mba ba ni, sa nga mi te tena d’i, kayam ni mam ba, mi b’e vunam yam ahle suma ngat buzuna tua ba, suma a yazïna a te tua. Agi b’ad’agi atogo, agi mba fumu.