Matiye 20:2 - Bible azumeina

² Ata yima vunazi ndjak tu ala bur tu ni sile sile na, mi tchuguzi á le sunda kur asinem ma guguzlud’a.

Matiye 20:2 Iomraidhean Croise

1 Amuleina 18:12

Wani ata yima an wal ki sed’engâ, Muzu’â hi Ma didinina mba mi hlang ing ata yima an wum mbuo na. An mba ni de mi Ahap, mam mba mi fang nguo, mam mba mi tchanu. Wani an azong mangâ ni sama kud’or Ma didina kazongôn deina.

2 Sunda Hamuleinid’a 34:3

Wani kur biza d’a klavandi d’a mam nga mi tamulid’a, ata yima mam nga kazongôm tua na, mi tin ad’ud’a á hal Alona habum ngolo David-na. Kur biza d’a dogo yam mbàd’a, mi nde to yima nding ma a tinim iram vama ki gong nga kud’or ra a minit malo d’a a yat ala Asera-d’a ki filei ma a tched’ema ki filei ma kawei ma a yoroma woi kur ambas sa Juda-d’a ki suma kur azì ma Jerusalem-mina woi mi.

Ma tchi wala 12:1

Ang azongâ, ang le furîd’a kur azong manga, ang le furîd’a kurung krovo ata yima ang nga kazongina, ang le vama hurung minima, ang tit kur lovot ta ang wat djivid’a iranga. Wani ang we woi tetet ala Alona mba mi yang ata yima ka sariyad’a.

Matiye 18:28

Wani ma sun máma mi ndabua, mi fe ndram ma sun ma bal mama nga kam siled’a kisâ. Mi vum delem do ndinding, mi dum ala: Ang wuragan bal man ma kangâ.

Matiye 20:1

Jesus mi had’azi kua ala: Leu d’a akulod’a ti hle tat ni d’igi samazì ma mi nde ki yorogo tcholol á hal suma sunda kur asinem ma guguzlud’ina na.

Matiye 20:13

Mi hulong ded’a mi ma ding tu adigazi ala: Bäna, an lang nga tcho d’i, ang ndjak vunang ki sed’en ni yam sile d’a tud’a d’uo zu?

Matiye 20:3

Mi ndabu kua ki mid’ei ma de zlad’a, mi we suma dingâ a nga tchola ad’u su’â hawa.

Matiye 20:9

Suma mi hazi sunda kafata libina a mba, a fe sile tutu.

Matiye 22:19

Agi taganï sile d’a a nga tarata. A tagamzi mi.

Matiye 9:37

Ata yi máma, mi de mi mam suma hata ala: Awu ma feta mi nga ngola, wani suma sunda akid’eid’a.

Marik 12:15

Wani Jesus mi we mbut ir mazid’a, mi dazi ala: Ni kayam me ba, agi kugun nge ge? Agi hanï sile ndata wana, an golod’u.

Wana ni Zla d’a Djivi d’a Luc mi b’irita 1:15

Mba mi mbut sama ngolâ avok Salad’a, mba mi tche süm guguzlud’a ki süm ma ayîna d’uo mi. Mba mi oî ki Muzuk ma bei tchod’a ba na ata yima a mba vud’uma.

Wana ni Zla d’a Djivi d’a Luc mi b’irita 10:35

Tcha ndjivinda, mi yo siled’a mbà, mi he mi sala gonga. Mi dum ala: Ang ngomom nga, vama ang bazam mbei kama, an mba ni wuragang fata an hulongîd’a.

Wana ni Zla d’a Djivi d’a Luc mi b’irita 20:24

Agi tagan sile ndata ei wana. Angusa ki b’ir ra wanda ni hi nge ge? Azi hulong dum ala: Ni hi Sesar-ra.

2 Timote 3:15

Kid’a ang gogora tua d’a, ang we mbaktumba hAlona d’a ndak á hang ned’a á ing kur suta yam gagazi d’a ang hat yam Jesus Christ-sa.

Vama ndum mbeina 6:6

An hum dela d’igi hi ma aduk ahle suma ari suma fid’i ndazina na, mi dala: Ang nga gemena angota tu ndak yam wurak ka yam sun nda bur ma tunid’a, ang nga awu orsâ angota hindi ndak yam wurak ka yam sun nda bur ma tunid’a mi. Wani ang b’lak mbulâ ki süm guguzlud’a woi d’i.

1 Samuel 2:18

Wani Samuel nga mi le sunda avok Ma didina, mi nga ki baru d’a ngat buzuna atamu.

1 Samuel 2:26

Wani Samuel nga mi wula, nga mi le Ma didina tam djivid’a, nga mi le suma tazi djivid’a mi.

1 Samuel 3:1

Kid’a Samuel ni gogora tua d’a, nga mi le sunda mi Ma didina avok Eli. Kur atchogoi ndata nad’enga heî tala Ma didina mi de zlad’a ki sana d’oze mi nde tam mbei ir sana d’a.

1 Samuel 3:21

Ma didina nga mi tak tam mbei kua kua avo Silo; nata yi máma ba, mi tak tam mbei mi Samuel á tagam zla mamba.