Matiye 2:2 - Bible azumeina

² A djop ala: Amulâ hi Juif-fâ ma a vud’uma, mi nga ni lara ge? Ami wamï tchitchiu mamba abo ma yorogona, ami mba á kud’uromu.

Matiye 2:2 Iomraidhean Croise

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Sawal la giled’a 45:11

Goronda, ndak huma, ndak we, ndak tin humak huma, ndak mar yam sum ma’â ki suma avo habu’â.

Isai 60:3

Andjaf suma a mba mba kur b’o maka, amuleina a mba mba kur wile mak ka nga d’i wile kaka mi.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Jeremi 30:9

Wani a mba le sunda mi an Ma didina Alo mazina, a mba le sunda mi David ma an mba ni tinim amula tua na mi.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Ndumba 24:17

An wumu, wani nga ni tchetchem mbi, an golomu, wani mi nga go d’i. Tchitchiud’a ti ndeï ad’u andjafâ hi Jakob-ma, totogo d’a tamula ti ndeï aduk Israel-lâ, ti to suma Mowap-ma fefed’eziya, ti to suma hi Set-na pet mi.

Matiye 2:3

Kid’a amulâ Herot mi hum zla ndatid’a, vunadigam mbi pat fek ki suma Jerusalem-ma pet mi.

Matiye 21:5

Agi dagi mi suma kur azì ma Siyon-na ala: Gola! Amul magina nga mi djïya. Ni ma lulumana, mi nga nga yam korod’a, ki koro ma gorâ, nala, korod’a gorotna d’a.

Matiye 27:11

Jesus mi nga tchola avok ma te yamba. Ma te yamba mi djobom ala: Angî amulâ hi Juif-fîna zu? Jesus mi hulong dum ala: Ang de wa da’.

Wana ni Zla d’a Djivi d’a Luc mi b’irita 19:38

A dala: Ar Alona mi b’e vunam yam amul ma ngol ma mi mba ki simiyê Ma didinina. Agi suma sä akulona, agi kagagi ki b’leng nga halasa, agi suburugi Alona mi.

Wana ni Zla d’a Djivi d’a Luc mi b’irita 2:11

Kayam a vud’ugiya wa Ma Suta ini kur azina hi David-na, ni Christ, Salad’a.

Wana ni Zla d’a Djivi d’a Luc mi b’irita 23:3

Pilat mi djobom ala: Angî amulâ hi Juif-fîna zu? Jesus mi hulong dum ala: Ang de wa da’.

Wana ni Zla d’a Djivi d’a Luc mi b’irita 23:38

Pilat mi b’ir kam akulo ala: Wana namulâ hi Juif-fîna.

Jean 1:49

Natanayel mi hulong dum ala: Ma hat suma, angî Alona Goroma, angî amulâ hi Israel-lîna.

Jean 12:13

A yo hum tumura aboziya, a buzuk kei á d’ugulomu, a de ki delezi akulo ala: Ei suburi Alona. Ar Alona mi b’e vunam yam sama nga mi mba ki simiyê Ma didinina. Ar Alona mi b’e vunam yam Amulâ hi Israel-lîna mi.

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.

Jean 19:19

Pilat mi he vuna á b’ir kam akulo ata agu ma b’ala ala: Wana ni Jesus ma Nazarat-na, amulâ hi Juif-fîna.

Jean 20:28

Toma mi hulong dum ala: Angî Salana, Alo mana.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Jean 9:38

Sa máma mi hulong dum ala: Salana, an hang gagazid’a. Mi grif kä, mi kud’uromu.

Hebre-na 1:6

Wani kid’a Alona mi sun ni Gorom ma a vud’um avok ahlena petna yam andagad’a kuad’a, mi dala: Ar malaika mama pet a kud’uromu.

Vama ndum mbeina 22:16

An Jesus, an sunugi malaika mana, kayam mi dagi ahle ndazina pet kur Toka. An ni David gorom ngolona, an ni avevel ma fo yina.