Matiye 2:16 - Bible azumeina

¹⁶ Ata yima Herot mi wala suma ned’a a lobomî loba na, hurum zal ngola. Mi tchuk sunda á tchi gro andjof suma Betelehem-ma ki suma kur ambas sa nguyuta pet suma bizazi mbàmbàna ki suma bizazi ndak nga mbàmbà d’uo na woyo, ndak yam bur ma suma ned’a a dum yam tchitchiud’ina.

Matiye 2:16 Iomraidhean Croise

Ad’u Tinda 39:14

ti yï azungeî matna, ti dazi ala: Gola! Ma Hebre ma ndjuvun vumina nga mi lü ki sed’emiya, mi mba kä ala mam bur ki sed’enu, wani an tchi wulula akulo kamu.

Ad’u Tinda 39:17

Ndat ti dum d’igi ti davok kä na ala: Magom ma Hebre ma ang vamizina, mi mba kä á b’laganu.

Ad’u Tinda 49:7

An gazi vuna kayam ayî mazina mi kal ngola heî, kayam ayî mazi ma djulula kal ngola mi. An mba ni walazi woi ki sum man an Jakob-ma, an mba ni b’rawazi woi aduk sum man an Israel-lâ mi.

2 Amuleina 8:12

Hazayel mi dum ala: Salana, ang tchi ni kayam me ge? Elise mi hulong dum ala: An tchi ni kayam an we tcho d’a ang mba lat mi Israel-lîd’a. Ang mba ngalazi aziyazi ma ad’eng ma ngunguna woyo, ang mba tchi azungeî mazina woi avun ayîna, ang mba miret gugurei suma gurei mazina kä kasengû, ang mba b’as hur arop mazi suma wirâ woi mi!

Wana ni mbaktumba hi Job-pa 12:4

Ata yima an yAlona mi hulongôn humbina, an mbut ni sama buniyôma a san ad’uma! An sama irat ma d’ingêrâ, ni mbut ni vama sanda!

Zla d’a d’ogolâ 28:15

Sama asa’at ma nga mi te yam suma kid’akina, mi ni d’igi azlo ma nga mi tchina d’oze ambur urs ma nga mi hal tena abo meid’ina na.

Zla d’a d’ogolâ 28:17

Sama mi tchi sana mi wala zlad’a vumu na, mi ring á tchi tamu; ar sa mi d’elem mbi!

Isai 26:21

Kayam Ma didina mi nde woi ata yam ma kaka á ngop suma yam andagad’ina yam tcho mazid’a. Andagad’a mba d’i ar yam buzuna hi suma a tchazina woi pid’agi, mba d’i ngei suma a tchazina kä d’uo d’a.

Isai 59:7

Asegi nga mi tin kä ta d’i á le tchod’a, agi nga b’ad’agi tagi á tchi sama bei zlad’a kama. Djib’er magid’a ni djib’er ra tchod’a, hurumba ki b’laka ni sun magi d’a led’a.

Daniel 3:13

Ata yi máma Nebukanezar hurum zala, mi mbut ayîna dadalau, mi he vuna ala a mbamï Sadrak, Mesak ki Aben-Nego. A mbazi avorom mi.

Wana ni mbaktumba hi Oze-d’a 10:14

Kayam ndata, siwel la ayîna mba d’i tchol aduk sum magina, azì magi ma ad’eng ma ngunguna pet mba mi b’lak keyo, mba mi b’lak kei ni d’igi Salman mi b’lak Bet-Arbel kur bur ma ayî ma mi ndjirep asud’a ki grotna woina na.

Ndumba 22:29

Baläm mi hulong mi dat ala: Ni kayamba ndak lan ngangatid’a! Ladjï mbigeu d’a fiyaka nabonu ni, an tchak wa adjï dei!

Ndumba 24:10

Balak hurum zal ngola ata Baläm, mi tchi abomu, mi dum ala: An yangî ka hî ná ge vuna mi man suma djangûna. Gola! Ang b’e wa vuna kazi b’e b’e yang hindi!

Matiye 2:1

Kid’a Marie ti vut Jesus kur Betelehem yam ambas sa Jude-d’a kur atchogoi d’a Herot mi nga kur amulid’a, suma ned’a a tcholï abo ma yorogona, a mba Jerusalem.

Matiye 2:17

Ahle ndazina a le hina á ndak vun zla d’a ma djok vun Alona Jeremi mi dat ala:

Matiye 2:7

Ata yi máma, Herot mi yi suma ned’a gumunu, mi djobozi yam bur ma tchitchiud’a ndei woi kuana.

Vama ndum mbeina 12:4

Andjawam nga d’i tan tchitchiu d’a a walat aduk hindid’a abot ma tuna, nga d’i tchugut kä yam andagad’a. Mi nga tchola avok atcha d’a nga d’i vuta, kayam mi lik gor ma ndat nga d’i vud’uma.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.

Suma ka sariyad’a 16:10

Delila ti de mi Samson ala: Gola! Ang lazan ni laza, ang kan ni zlad’a. Ki tchetchemba, an nga ni tchenengû, ang danu, a djiningî ki me ge?