Matiye 2:15 - Bible azumeina

¹⁵ Mi kak sä kua gak matna hi Herot-na, kayam zla d’a Salad’a mi dat avun mam ma djok vuna d’a ala: An yi gorona woi kur Ezipte d’a, ti ndak memet.

Matiye 2:15 Iomraidhean Croise

Buzuk ka Abud’a 4:22

Ang i de mi Faron ala: Ma didina mi dala: Israel ni gorona, ni goron ma ngolâ.

Wana ni mbaktumba hi Oze-d’a 11:1

Ata yima Israel mi gogora tua na, an le kamu, an yi gorona woi kur Ezipte.

Ndumba 24:8

Alona mi buzuguzï woi kur Ezipte, mam kazi ni d’igi ad’enga havündid’a na. A nga kizak andjaf mazi suma djangûna woyo, a nga kuzuzi asogozi woi ndjondjom, a nga yed’ezi ki yeû mazid’a mi.

Matiye 1:22

Ahle ndazina a le hina á ndak vun zla d’a Salad’a mi dat avun mam ma djok vuna ti ndak memet ala:

Matiye 2:14

Josef mi tchol kandjeged’a, mi yo gorâ azi kasumu, mi i Ezipte.

Matiye 2:17

Ahle ndazina a le hina á ndak vun zla d’a ma djok vun Alona Jeremi mi dat ala:

Matiye 2:19

Wani kid’a Herot mi mit dad’a, malaikana hi Salad’ina mi de Josef adïd’a avo Ezipte ala:

Matiye 2:23

Mi i kak kur azì ma a yum ala Nazarat-na, kayam zla d’a suma djok vun Alona a dat ala: A mba yum ala Ma Nazarat-na d’a, ti ndak memet.

Matiye 21:4

Ahle ndazina a le hina á ndak vun zla d’a ma djok vun Alona mi dat ala:

Matiye 26:54

Le ni na ni, ni nana ba, zla d’a a b’irit kur mbaktumba hAlonid’a ti ndak memet kan nge?

Matiye 26:56

Wani ahle ndazina a le hina pet ná ndak vun b’ira hi suma djok vun Alonid’a memet. Ata yi máma, mam suma hata pet a aramu, a ringâ.

Matiye 27:35

Bugola, a b’alam akulo ata aguna, a b’rau baru mama aduk taziya, a tum gumara kad’u.

Matiye 8:17

Ahle ndazina a le hina á ndak vun zlad’a hi ma djok vun Alona Isai d’a mi dat ala: Mi zi amangeî meid’a kamu, mi hle ni tugud’ei meid’a kamu d’a.

Wana ni Zla d’a Djivi d’a Luc mi b’irita 24:44

Mi dazi kua ala: Wana ni zla d’a an dagizi kid’a an nga ki sed’egi tua d’a. An dagi ala: Mbeî ahlena pet suma a b’irizi kan kur gata hi Moise-sa, kur mbaktumba hi suma djok vun Alonid’a, kur Sawal la Giled’a mi na, a mba ndaga.

Jean 19:28

Bugol ahle ndazina, Jesus mi wala ki tchetchemba ahlena pet a ndak wa memet. Kayam mi min ndak zla d’a a b’irit kur mbaktumba hAlonid’a, mi dala: Vunan so.

Jean 19:36

Ahle ndazina a le hina kayam zla d’a a b’irit kur mbaktumba hAlonid’a ala: A mba kuzum asogom tu d’uo d’a ti ndak memet.

Sunda hi suma a sunuzinid’a 1:16

B’oziyona, mbeî zla d’a b’ir ra Muzuk ma bei tchod’a ba na mi dat avun David yam Judas ma mba mi tak lovota mi suma á ve Jesus-nid’a ti ndaga.