Matiye 19:9 - Bible azumeina

⁹ An nga ni dagiya, le sana mi dik amamba woi ni yam zla d’a mizeuna d’uo mi ve d’a dinga ni, mi le ni mizeuna.

Matiye 19:9 Iomraidhean Croise

Ad’u Tinda 20:3

Wani Alona mba mi de mi Abimelek adïd’a andjege ala: Ang mba mit kayam atcha d’a ang vata, kayam ndat natchad’a hi sanid’a.

2 Sunda Hamuleinid’a 21:11

Joram mi min yima kud’or fileina yam ahina d’a Juda-d’a, mi zut suma avo Jerusalem-ma ki suma Juda-na á le gaulangâ mi.

Jeremi 3:1

Ma didina mi dala: Agi danu! Na ni atcha d’a ndjuvut mi digit tei d’a ti ve mandjuf ma dingîd’a, ndjuvut ma avo’â mi hulong vat tei zu? Ambas sa wanda mba d’i mbut ni ndjendjed’a ki irat fafat tuo zu? Wani agi mbud’ugi tagi gaulangâ ki suma ablaud’a. Agi min ala an hulong an vagi d’ei zu?

Jeremi 3:8

Ata yima an ni dik Israel suma a tcha tatana woi yam mizeu mazina, an hazi mbaktum mba dika, an wala b’oziyozi suma Juda suma bei d’engzengâ a le nga mandarâ yam zla ndata d’i, wani a i a le gaulangâ mi.

Ezekiyel 16:15

Ma didina mi de kua ala: Wani ndak tin huru’î yam djif ma’â, ndak mbut tak gaulangâ yam simiyêk ma nde yinina, ndak nga le gaulangâ ki sama lara ma nga mi kalâ, ndak hum tak mi.

Ezekiyel 16:29

Ndak zul gaulang ma’â kur ambasa hi suma mbut abozina avo Babilon hina pet pî, ndagak nga d’uo tua.

Ezekiyel 16:8

An kal gevegu, an gologu. Wana ni yi mak ma ndak á ved’ina. An barak baru man nda ngola kagu, an zlubuk gandila maka, an gunuk tanu, an djin vunan ki sed’egu, an Salad’a Ma didina ni dala: Ndak arî manda.

Matiye 19:10

Mam suma hata a dum ala: Zlad’a hatchad’a ki mandjufîd’a, le ni na ni, nga djivid’a á sa mi vatcha d’i.

Matiye 19:8

Jesus mi hulong dazi ala: Ni kayam hur magi ma b’ala ba, Moise mi aragi á dik amiyôgina ni na, wani kad’u tinda ei dei nga na d’i.

Matiye 5:32

Wani an nga ni dagiya, sama dik amambina, le nga ni yam mizeuna d’uo ni, ni mam ba, mi tinit á le mizeuna. Sama vatcha d’a digit teid’ina, mi le ni mizeuna mi.

Wana ni Zla d’a Djivi d’a Luc mi b’irita 16:18

Sama lara ma mi dik amamba woi mi vatcha d’a dingina, mi le ni mizeuna. Sama vatcha d’a ndjuvut mi digit teid’a, mi le ni mizeuna mi.

1 Korente-na 5:1

Ami humumi ata yina pet ala mizeuna nga adigagiya. Aduk andjaf suma dingâ pî, andjaf mizeu ma hina na nga adigazi d’i. A nga dala sama dingâ adigagi mi vatchad’a habumba.

1 Korente-na 7:39

Ata yima atchad’a ndjuvut mi nga ki iram tua na, gata ti djinid’u. Wani le ndjuvut mit wa ni, ti but wa woi kur gata á ve ndjuf ma ndat minima. Djivid’a ti ve ni kretiyêna hol.

1 Korente-na 7:4

Kayam atchad’a nga kad’enga yam hliu tat ti; hliwit ni hi ndjuvutna. Mandjufâ nga kad’enga yam hliu tam mbuo mi; hliwimî hamambina mi.