Matiye 19:8 - Bible azumeina

⁸ Jesus mi hulong dazi ala: Ni kayam hur magi ma b’ala ba, Moise mi aragi á dik amiyôgina ni na, wani kad’u tinda ei dei nga na d’i.

Matiye 19:8 Iomraidhean Croise

Ad’u Tinda 2:24

Kayam ndata, sana mba mi ar abum kasumu, mba mi reî kamamba, azi djak a mba mbut ni hliu ma tuna.

Ad’u Tinda 7:7

Noe mi kal kur batod’a kamamba ki groma kamiyôzina á sut tazi abo mbiyo ma nga mi kusâ.

Sawal la giled’a 95:8

Ar agi b’alagi hurugi d’igi abuyogi ngolo a b’al huruzi kur Meriba na d’i, ar agi b’alagi hurugi d’igi azi b’al huruzi kur bur ma azi nga abagei hur ful ma Masa-na na d’uo mi.

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

Zakari 7:12

Azi b’al huruzi ad’enga d’igi kaweina na, azi min nga á tit yam gata hi an Ma didin ma ad’engên kal petna d’a an djogozizi kur Muzuk mana avun suma djok vuna adjeud’a d’i. Ata yi máma an hurun zal ngola,

Matiye 19:7

Fariziyêna a djobom ala: Ni kayam me ba, Moise mi he vuna ala: Sana mi b’ir mbaktum mba wal kamambid’a, mi digit tei mi ge?

Matiye 19:9

An nga ni dagiya, le sana mi dik amamba woi ni yam zla d’a mizeuna d’uo mi ve d’a dinga ni, mi le ni mizeuna.

Matiye 3:15

Wani Jesus mi hulong dum ala: Ar ang lan ka tchetchem, kayam ei ndagei vun ahlena pet suma Alona mi minizina. Bugola, Jean mi mina.

Matiye 8:31

Muzuk ma teteng ma tchona mi tchenem ala: Ang le digin ndeyo ni, ang sunun kur kozong máma.

Marik 10:5

Wani Jesus mi hulong dazi ala: Ni kayam hur magi ma b’ala ba, Moise mi hagi ki vun ma he ma wana ni na.

Marik 16:14

Bugola, Jesus mi nde tam mbei ir suma hat suma dogo yam tuna, ata yima azi nga avun tenina. Mi ngobozi yam bei he gagazi mazid’a, yam hur mazi ma b’al ma a he nga gagazid’a yam suma a wum bugol tchol mamba d’uo na mi.

1 Korente-na 7:6

Wani an dagi ahle ndazina, agi lagi hina, wani nga ni vun ma hed’a d’i.

1 Samuel 25:43

David mi ve Ahinowam mba Jisreyel-la kua. Azi djak a mbut arubuyomu.