Matiye 19:21 - Bible azumeina

²¹ Jesus mi hulong dum ala: Le ang min ndak memed’u ni, ang i gus ahligiyeng ngei pet, ang he bege ndata mi suma houd’a. Hina wani, ang mba fahle suma ndjondjoîna sä akulo. Bugola, ang mbeï ad’unu.

Matiye 19:21 Iomraidhean Croise

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 6:9

Wana ni zla d’a ded’a yam Noe-d’a: Noe ni sama d’ingêr ma d’engzengâ avok Alona, mi tit zlapa kAlona.

Wana ni mbaktumba hi Job-pa 1:1

Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na.

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

Matiye 16:24

Ata yi máma, Jesus mi de mi mam suma hata ala: Le sana mi min á tit ad’unu ni, ar mi noî tamu, mi hlagu mam ma b’ala kamu, mi tit ad’unu.

Matiye 19:20

Azong máma mi dum ala: An le wa ahle ndazina pet da’, an le ni me kua d’ei ge?

Matiye 19:22

Wani kid’a azong máma mi hum zla ndatid’a, mi i ki hur ma zala, kayam mam mi sama ndjondjoîna.

Matiye 19:28

Jesus mi hulong dazi ala: Gagazi, an nga ni dagiya, fata Alona mba mi mbut ahlena pet awilid’a ata yima an Gor Sana mba ni kak yam zlam manda suburina, agi suma dogo yam mbà suma nga tid’igi ad’una, agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna mi.

Matiye 4:19

Jesus mi dazi ala: Agi mbeyegï ad’unu; an mba ni mbud’ugi suma tchiu suma.

Matiye 5:48

Kayam ndata, ar agi lagi ahlena memet d’igi Abugi ma sä akulona nga mi lahlena memet na mi.

Matiye 8:22

Wani Jesus mi hulong dum ala: Ang mbeï ad’unu, ar suma matna a tos mat mazina.

Matiye 9:9

Jesus mi tchol ata yi máma, nga mi kala, mi we sana simiyêm ala Matiye, mi nga kaka kä kur gong nga ve lombod’a. Jesus mi dum ala: Ang mbeï ad’unu. Mi tchola, mi i ad’umu.

Marik 10:21

Kid’a Jesus mi golomba, hurum vumu, mi dum ala: Ang kid’ak va tu, ang i gus ahligiyeng suma ang nga ki na woi pet, ang he bege ndata mi suma hohoud’a. Hina wani, ang mba fahle suma ndjondjoîna sä akulo. Bugola, ang mbeï ad’unu.

Marik 2:14

Kid’a nga mi kala, mi we Levi Alfe goroma mi nga kaka kä kur gong nga tar dalalana. Jesus mi dum ala: Ang mbeï ad’unu. Mi tchol akulo, mi i ad’umu.

Marik 8:34

Ata yi máma, Jesus mi yï ablau suma ki mam suma hata gevemu, mi dazi ala: Le sana mi min á tit balum asenu ni, ar mi noî tamu, mi hlagu mam ma b’ala kamu, mi tit ad’unu.

Wana ni Zla d’a Djivi d’a Luc mi b’irita 12:33

Agi guzugi ahle magina woyo, agi hazi he d’a hawad’a mi suma houd’a. Agi dubugi bid’im mba bei b’laka ba d’a, agi togogi ahle magina sä akulo ata yima bei b’laka, ata yima bei suma kula a tcha kua ba na, ata yima bei fotna b’lagazina.

Wana ni Zla d’a Djivi d’a Luc mi b’irita 14:33

Ni na mi, nge nge pî adigagi le mi ar ahligiyem mbei pet tuo ni, mi ndak á kak man ma hata d’uo mi.

Wana ni Zla d’a Djivi d’a Luc mi b’irita 16:9

An nga ni dagiya, vagi banad’a ki ndjondjoî magid’a kur duniyad’a. Ata yima ti dapma, a mba vagi atazi kur azì ma didina.

Wana ni Zla d’a Djivi d’a Luc mi b’irita 18:22

Kid’a Jesus mi hum zla ndatid’a, mi dum ala: Ang kid’ak va tu. Ang gus ahligiyeng ngei pet, ang he bege ndata mi suma houd’a. Hina wani, ang mba fahle suma ndjondjoîna sä akulo. Bugola, ang mbeï tit ad’unu.

Wana ni Zla d’a Djivi d’a Luc mi b’irita 5:27

Bugola, Jesus mi ndabua, mi we sama ve lombod’a, simiyêm ala Levi, mi nga kaka kä kur gong nga ve lombod’a. Jesus mi dum ala: Ang mbeï ad’unu.

Wana ni Zla d’a Djivi d’a Luc mi b’irita 6:40

Ma hata nga mi kal ma had’ama d’i, wani sama lara ma ndak vun hat mambina, mba mi mbut ni d’igi ma had’ama na.

Wana ni Zla d’a Djivi d’a Luc mi b’irita 9:23

Mi dazi pet ala: Le sana mi min á tit balum asenu ni, ar mi noî tamu, mi hlagu mam ma b’ala burâ ki burâ, mi tit ad’unu.

Jean 10:27

Tumiyô mana a nga humun delenu. An waziya, azi nga tit ad’un mi.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Sunda hi suma a sunuzinid’a 2:45

Azi gus ahle suma avo hatazina woi beged’a, a b’rawat aduk tazi pet. Nge nge pî mi fe ndak yam min mamba.

Hebre-na 10:34

Kayam agi wagi hohowa suma dangeina. Ata yima suma a hurum ahle maginina, agi lagi furîd’a, kayam agi wagi ala agi nga kahle suma djivi suma kal tegles suma gak didina.