Matiye 18:5 - Bible azumeina

⁵ Nge nge pî ma ve gogorâ d’igi ma wana na atam yam simiyêna, mi van ni anu.

Matiye 18:5 Iomraidhean Croise

Matiye 18:4

Kayam ndata, nge nge pî ma mi hulong yam kä d’igi gogor ma wana na na, mba mi kak ma ngolâ kur leu d’a akulod’a.

Matiye 18:6

Jesus mi had’azi kua ala: Nge nge pî ma nga mi le vama b’lak gogorâ aduk gugurei suma a he gagazid’a kana ni, djivid’a hotei djinim ahina d’a ngola kelemu, a gumza woi aduk alum ma ngolâ.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Matiye 25:45

Ata yi máma, an amulâ mba ni hulong dazi ala: Gagazi, an nga ni dagiya, ata yima agi lagi nga va mi ma gor ma kid’ak aduk gugurei suma wana d’uo na, agi lum mbuo ni mi anu.

Matiye 7:8

Kayam nge nge pî ma nga mi tchena, Alona mba mi humu; sama nga mi halâ, mba mi fe; sama nga mi dap vun gongina, a mba malamziya.

Marik 9:37

Sama lara pî ma ve gogorâ d’igi ma wana na atam ki simiyêna, mi van ni anu; sama lara pî ma vana, mi van ni an hol li, wani mi ve ni Ma mi sununïna mi.

Marik 9:41

Wani sama lara pî ma hagi mbiyo ma tched’a kur kopma yam simiyêna kayambala agi ni suma hi an Christ-sâ d’a ni, gagazi, an nga ni dagiya, Alona mba mi wuragamu.

Wana ni Zla d’a Djivi d’a Luc mi b’irita 9:48

Mi dazi ala: Nge nge pî ma ve gogorâ d’igi ma wana na kayam anu, mi van ni anu. Nge nge pî ma van atama, mi ve ni Ma sununïna. Kayam mam ma mbut tam d’igi gogorâ na adigagina, ni ma ngolâ.

Jean 13:20

Gagazi, an nga ni dagiya, sama ve sama an sunuma atama, mi van ni anu. Sama van an atama, mi ve nAbun ma mi sununïna atam mi.

Galat-na 4:14

Tugud’ei d’a ata hliwinda ni vama kuka kagiya. Hina pî, agi golon nga is si, agi noyôn nga d’uo mi. Wani agi van atagi d’igi malaikana hAlonina na, d’igi Jesus Christ tamba na mi.