Matiye 18:4 - Bible azumeina

⁴ Kayam ndata, nge nge pî ma mi hulong yam kä d’igi gogor ma wana na na, mba mi kak ma ngolâ kur leu d’a akulod’a.

Matiye 18:4 Iomraidhean Croise

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Matiye 18:1

Ata yi máma, suma hata a mba gen Jesus, a djobom ala: Sama mba mi kak ma ngolâ kur leu d’a akulod’ina ni nge ge?

Matiye 18:3

Gagazi, an nga ni dagiya, le agi mbud’ugi nga tagi d’igi gogor ma wana hina d’uo ni, agi mba kalagi kur leu d’a akulod’a d’i.

Matiye 18:5

Nge nge pî ma ve gogorâ d’igi ma wana na atam yam simiyêna, mi van ni anu.

Marik 10:43

Wani adigagi agi nga na d’i, wani sama lara pî ma min á mbut ma ngolâ adigagina, mi mbut nazong magina.

Marik 9:34

Wani a seng silil, kayam me a tchi tazi tuguyod’a kur lovota ala sama ngol ma adigazina ni nge ge?

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Wana ni Zla d’a Djivi d’a Luc mi b’irita 9:48

Mi dazi ala: Nge nge pî ma ve gogorâ d’igi ma wana na kayam anu, mi van ni anu. Nge nge pî ma van atama, mi ve ni Ma sununïna. Kayam mam ma mbut tam d’igi gogorâ na adigagina, ni ma ngolâ.

Jacques 4:10

Agi gagi yagi kä avok Salad’a, mam mba mi hlagi yagi akulo.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.