Matiye 15:4 - Bible azumeina

⁴ Kayam Alona mi dala: Ang hu abung kasungû; sama mi ngul abum mboze asuma, ar a tchum mbeyo.

Matiye 15:4 Iomraidhean Croise

Buzuk ka Abud’a 20:12

Ar ang hu abung kasungû, kayam ang te ngola tatâ yam andaga d’a an Ma didina Alo mangâ mba ni hangzid’a.

Buzuk ka Abud’a 21:17

Le sana mi ngul abum mboze asumu ni, mbeî agi tchum mbei mi.

Zla d’a d’ogolâ 20:20

Sama mi yahlena yam abum kasuma, mba mi mit tei d’igi lalamba ti mit tei aduk andjege dangâla na.

Zla d’a d’ogolâ 23:22

Ang hum abung ma vud’unga, ata yima asung ti djeng mamarina, ang golot is si.

Zla d’a d’ogolâ 30:17

Sama mi las abum mi gol asuma is mi na, gagau ma avun toliyondina mba mi pad’am iramu, agigilauna groma a mba tum mi.

Isai 8:20

agi hulongôzi ded’a ala: Mbeî ei hulongî yam gata ki zla d’a Ma didina mi ndeizi woid’a. Suma a tit nga yam vun ma he máma d’uo na, a mba we yima fod’a ki irazi d’i.

Sunda hi suma hi Levi-nid’a 19:3

Ar nge nge pî adigagi mi hu abum kasumu, mi ngom bur man ma sabat ma tuk tad’a mi, kayam an ni Ma didina Alo magina.

Sunda hi suma hi Levi-nid’a 20:9

Sama lara ma yahlena yam abum azi kasuma, a tchum mbeyo. Buzuwam mba mi hulong kamu, kayam mi yahlena yam abum azi kasumu.

Matiye 15:3

Jesus mi hulong dazi ala: Agi mi, ni kayam me ba, agi tagid’a aragi gata hAlonid’a woi kayam hata hi simiyêgid’a ge?

Matiye 15:5

Wani agi nga dagi ala: Le sana mi de mabum mboze masum ala: Va man ma an ndak á ndjunung ki na ni he d’a hawa d’a an hat mAlonid’a, hina, agi aram nga lovota á he ngola mabum kasum mbi.

Matiye 19:19

Ang hu abung kasungû, ang le yam ndrangâ d’igi ang tanga na mi.

Matiye 4:10

Jesus mi hulong dum ala: Seitan, ang huttcha woi dei, kayam a b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Romê-na 3:31

Na ni he gagazi meid’a ti mbut gata vama hawana zu? Nga na d’i! Wani he gagazid’a ti hei nad’enga á sira gata memet.

Efes-sâ 6:1

Agi gugureina, vama djivina avok Salad’a, agi humugi vun simiyêgiya.

Gat ta a hat á mbàd’id’a 27:16

Sama mi gol asum azi kabum isâ, Ma didina mi gum vuna! Ablau suma petna a hulong ded’a ala: Amin!

Gat ta a hat á mbàd’id’a 5:16

Ar ang hu abung kasungû, d’igi an Ma didina Alo mangâ ni hang vuna na, kayam ang te ngola tatâ ki furîd’a yam andaga d’a an Ma didina Alo mangâ mba ni hangzid’a.