Matiye 15:13 - Bible azumeina

¹³ Wani mi hulong dazi ala: Vama Abun ma sä akulona mi pum nga d’uo na, a mba pad’am mbeyo.

Matiye 15:13 Iomraidhean Croise

Sawal la giled’a 92:13

Suma d’ingêrâ a mba wulî d’igi amilaûna na, a wulî d’igi agu sedre ma Liban-na na mi.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Matiye 15:12

Bugola, mam suma hata a mba, a dum ala: Ang we nga d’ala Fariziyêna huruzi zal yam zla d’a ang data d’uo zu?

Jean 15:1

Jesus mi dazi ala: An ni guguzlu d’a gagazid’a, Abun ni sama ngomotna.

Jean 15:2

Abo ma lara pî ma nga atana, le nga mi vut tuo ni, mam mba mi kam mbeyo. Abo ma nga mi vutna, mam nga mi tchawam abom mbeyo, kayam mi hulong mi vut vut ta kala.

Jean 15:6

Le sama nga kaka zlapa tu ki sed’en nduo ni, Abun mba mi gum mbei d’igi a gabo guguzlud’a woi na, mba mi so woi mi. Bugola, a togomu, a tchugum aduk akud’a, a ngalam mbeyo.

1 Korente-na 3:9

Kayam ami nAlona ndrom suma sunda, agi nasinena hAlonina mi. Agi ni gong nga minda hAlonid’a mi.

Jude 1:12

Sum ndazina a mbut ni vama dap asema ata yi magi ma darigïd’a, zulona nga lazi ki hop mazina d’uo mi. Azi ni d’igi d’ugul la bei mbina d’a simetna nga mi tchat tata d’a na. Azi ni d’igi agu ma le ni vun simetna pî nga mi vut tuo ma mi mit yam mbà ma a pad’am sideyem mbeina na.