Matiye 14:3 - Bible azumeina

³ Kayam adjeu Herot mi ve Jean mi djinim mi gum dangeina kayam Herodiyas atchad’a hi wiyema Filip-pa.

Matiye 14:3 Iomraidhean Croise

Matiye 11:2

Wani kid’a Jean ma le suma batembina mi nga kur dangeinid’a, mi hum zla sunda hi Christ-sa, mi sun mam suma hata gen Jesus

Matiye 14:6

Kid’a Herot mi le tena yam bur mam ma vutid’a, Herodiyas gorota ti nde lü ndjongâ woi avok suma mi yazï yam tenina. Herot tam lum djivid’a heî yam ndjong matna.

Matiye 4:12

Kid’a Jesus mi hum ala a ge wa Jean dangeina d’a, mi i Galile.

Marik 6:14

Kur bur máma amulâ Herot mi hum zla Jesus, kayam zlam nde ata yina pet. Suma dingâ a nga dala: Ni Jean ma le suma batemba ba, mi tchol akulo aduk suma matna. Ni kayam ndata ba, mi nga kad’enga á lahle suma ndandalâ wana.

Marik 6:17

Kayam adjeu Herot tamba mi ve Jean, mi djinim mi gum dangeina kayam Herodiyas atchad’a hi wiyema Filip pa mi vata.

Marik 6:19

Herodiyas ti ve Jean kurud’u, ti hal á tchumu, wani ti fe nga lovota d’i,

Marik 6:22

Herodiyas gorota ti kal kur yima luna, nga d’i lü ndjongâ. Herot tam mbi lum djivid’a heî yam ndjong matna, zlapa ki suma a nga kak kä ki sed’ema mi. Wani amulâ Herot mi de mi gora ala: Vama ndak minima, ndak tchenenu, an haksiya.

Marik 8:15

Jesus mi gad’azi ala: Agi gologi tagi djivi kangufa hi Fariziyênid’a kangufa hi Herot-ta mi.

Wana ni Zla d’a Djivi d’a Luc mi b’irita 13:1

Kur bur máma suma dingâ a mba de mi Jesus yam suma Galile suma Pilat mi tchazi mi gizeyêzi buzuwazi ki buzuna hahle mazi suma ngat buzuna mAlonina.

Wana ni Zla d’a Djivi d’a Luc mi b’irita 13:31

Kur bur máma Fariziyê suma hiuna a mba, a de mi Jesus ala: Ang nde i ata yima dingâ, kayam Herot nga mi halang á tchid’a.

Wana ni Zla d’a Djivi d’a Luc mi b’irita 23:11

Herot azi ki azigar mama a golom d’igi vama hawana na, a lazamu. A tchugum baru d’a ngal wiwilika atamu, a hulongôm mi Pilat.

Wana ni Zla d’a Djivi d’a Luc mi b’irita 23:7

Kid’a mi hum ala Jesus ni kur leud’a hi Herot-ta d’a, mi sunum mi Herot, kayam Herot tamba nga kur Jerusalem kur bur máma.

Wana ni Zla d’a Djivi d’a Luc mi b’irita 3:1

Kur bizad’a dogo yam vahl hla Tiber Sesar nga mi te yambid’a, ata yi máma, Pôs Pilat nga mi te yam andaga d’a Jude-d’a, Herot nga mi te yam andaga d’a Galile-d’a, wiyema Filip nga mi te yam andaga d’a Iture-d’a kandaga d’a Trasonit-ta, Lisaniyas nga mi te yam andaga d’a Abilen-nda mi.

Wana ni Zla d’a Djivi d’a Luc mi b’irita 8:3

Jan atchad’a hi Kuza ma nga mi ngom ahlena hi Herot-nina ki Suzan karop suma dingâ ablaud’a. A nga ndjun Jesus azi ki mam suma hata kahle mazi suma djivina.

Sunda hi suma a sunuzinid’a 12:1

Ata yi máma, amulâ Herot mi nde djop vun suma dingâ aduk suma toka.

Sunda hi suma a sunuzinid’a 4:27

Gagazi, kur azì ma ngol ma wana a kak djangûna kazong mang ma bei tchod’a ba na, nala, Jesus ma ang manama. Herot ki Pôs Pilat kandjaf suma dingâ ki Israel-lâ a zlap vunazi kamu.