Matiye 13:44 - Bible azumeina

⁴⁴ Jesus mi had’azi kua ala: Leu d’a akulod’a ti hle tat ni d’igi vama djivi ma nga ngeid’a kä kur asinenina na. Sana mi wumu, mi hulong mi ngeyem kä, kayam mi nga mi le furîd’a kamu. Mi iya, mi gus ahligiyem mbei pet, mi i gus asine máma.

Matiye 13:44 Iomraidhean Croise

Wana ni mbaktumba hi Job-pa 28:13

Sa nga mi wat guzut ti, sa nga mi fat yam andagad’a hi suma a nga ki irazina d’uo mi.

Zla d’a d’ogolâ 16:16

Hotei ang fe ned’a kal la ang fe lorid’a, hotei ang fe wad’ud’a kal la ang fe beged’id’a.

Zla d’a d’ogolâ 17:16

Bege d’a abo suma lilid’id’a ti le ni suna me ge? Mi guzî ki ned’a zu? Kayam yam nga kam mbi!

Zla d’a d’ogolâ 18:1

Sama nga mi zlap ki ndram mbuo na, mi halî djivi mamba tata. Hurum nga mi zal yam zla d’a irat ta lara ge pet mi.

Zla d’a d’ogolâ 23:23

Ang gus gagazid’a, ned’a, hata ki wad’ud’a, ar ang guzuzi woi d’i.

Isai 55:1

Ma didina mi dala: Êhê, agi suma vunagi sona, agi pet mbeyegi ata mbina. Le sa nga ki va abom mbuo pî, agi mbeyegiya, agi guzugiya, agi tagiya. Agi mbeyegi ata süm guguzlud’a kambira bei beged’a bei gusa ba.

Matiye 13:24

Jesus mi dazi zla d’a d’ogol la dinga kua ala: Leu d’a akulod’a ti hle tat ni d’igi sama yak awu ma djivina kur asinema na.

Matiye 13:46

Ata yima mi fe vama djif ma guzum kal teglesîna, mi iya, mi gus ahligiyem mbei pet, mi guzumu.

Matiye 13:47

Jesus mi had’azi kua ala: Leu d’a akulod’a ti hle tat ni d’igi abei ma a tchugum kä kur alumina na, mi tok andjaf kulufâ pet.

Matiye 19:21

Jesus mi hulong dum ala: Le ang min ndak memed’u ni, ang i gus ahligiyeng ngei pet, ang he bege ndata mi suma houd’a. Hina wani, ang mba fahle suma ndjondjoîna sä akulo. Bugola, ang mbeï ad’unu.

Matiye 19:27

Ata yi máma, Pierre mi hulong dum ala: Gola! Ami arami wa ahlena pet teyo, ami nga tid’imi ad’ungû. Ami mba fami ni me ge?

Matiye 19:29

Nge nge pî ma ar aziyam mbei d’oze b’oziyom suma andjuveina d’oze b’oziyom suma aropma d’oze abum mboze asum mboze groma d’oze asinem mbei yam an na, mba mi fe yam vama lara pî kikis, mba mi fe ari d’a didinda mi.

Matiye 6:21

Kayam ata yima ndjondjoî manga ti nga kuana, hurung mi sä tinda kua mi.

Wana ni Zla d’a Djivi d’a Luc mi b’irita 14:33

Ni na mi, nge nge pî adigagi le mi ar ahligiyem mbei pet tuo ni, mi ndak á kak man ma hata d’uo mi.

Jean 6:35

Jesus mi dazi ala: An ni te ma harid’a mi sumina. Sama mi mba gevena, meid’a mba d’i tchum mbi. Sama he gagazid’a kana, vunam mba mi so d’uo mi.

Romê-na 15:4

Ahlena pet suma a b’irizi kur mbaktumba hAlonid’a adjeuna ná had’eya, kayam ei tini huri kam ki ve tad’a, zlapa ki b’leng hur ma mbaktumba hAlonid’a ti b’lengeîzina.

Kolos-sâ 2:3

Ne d’a tetenga ki wad’ud’a hAlonid’a pet a nga ngeid’a kur Christ.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

Hebre-na 10:34

Kayam agi wagi hohowa suma dangeina. Ata yima suma a hurum ahle maginina, agi lagi furîd’a, kayam agi wagi ala agi nga kahle suma djivi suma kal tegles suma gak didina.

Vama ndum mbeina 3:18

Kayam ndata, an nga ni dangû, ar ang gus lor man nda a yorot kakud’id’a tala ang mbut sama ndjondjoîna d’a. Ang gus baru d’a hapa tala ang tchugut atang ang ngei zulo mang ma gandilad’a mi d’a. Ang gus kuma ma ira, ang gum irang kayam ang we woi tetet.