Matiye 13:25 - Bible azumeina

²⁵ Wani ata yima suma a bur senina, mam ma djangûna mi mba, mi yak barumba aduk awu ma djivina, mi ge tam mi iya.

Matiye 13:25 Iomraidhean Croise

1 Amuleina 3:20

Wani ti tchol andjege dangâla kid’a an wei manga ni nga senid’a, ti hle gorona avoron kä, ti djogom yam azang matna, ti vrak gorot ma matna avoron kä mi.

Matiye 13:24

Jesus mi dazi zla d’a d’ogol la dinga kua ala: Leu d’a akulod’a ti hle tat ni d’igi sama yak awu ma djivina kur asinema na.

Matiye 13:26

Ata yima awuna mi deî mi vik wirîna, barumba ti wul akulo mi.

Matiye 13:27

Azungeîna hi sa mámina a mba, a dum ala: Salamina, ang zarî awu ma djivina kur asineng nguo zu? Barumba ti mbut ni lara aduk ke?

Matiye 13:29

Mi hulong dazi ala: Hawa! Kayam le agi pad’at teyo ni, dam agi mba pad’agi awuna woi ki sed’ed’u.

Matiye 13:30

Agi arazi a wul djak, gak bur ma feta. Kur bur ma feta, an mba ni de mi suma feta ala: Agi i djagi barumba woi adjewe, agi djinigiziya, agi togot ngalat teyo, wani agi togogi awuna kur avir mana.

Matiye 13:39

Ma djangû ma yagatna ni diable; yima duta ni dabid’a hi duniyad’id’a; suma duta ni malaikana.

Matiye 25:5

Kid’a sala tela yam sä d’i ve tua d’a, irazi nde d’i lazi sena, a bur sena.

Galat-na 2:4

wani b’oziyoi suma ka zla suma a kal adigamina, a min ngad’am bayâd’a. Ni suma a nga kal kur ades meina gumun á gol mbut mei d’a ei mbud’i gro vuta zlapa tu ki Jesus Christ-sa. Azi min ei hulongeî kur magomba.

Hebre-na 12:15

Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

1 Pierre 5:8

Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:14

Mi vit suma yam andagad’ina woi kahle mam suma atchap suma a humzi á led’a avok ambur ma avok mámina. Mi de mi suma yam andagad’ina á yor vana á subur ambur ma a kam yam mbilâ ki mbigeu d’a fiyaka mi tchilâ.

Vama ndum mbeina 2:20

Wani vama an mining nguo kama ba wana, kayam ang ar Jezabel, atcha d’a nga d’i yi tat ala ndat ni d’a djok vun Alona d’a, ti nga d’i vit man suma sunda woyo, nga d’i had’azi á le mizeuna, á tahle suma a tuwal ki fileinina mi.