Matiye 13:20 - Bible azumeina

²⁰ Ma mi nde ata yima alakina ni sama hum zlad’a, mi vat ki furîd’a atogo za’â.

Matiye 13:20 Iomraidhean Croise

2 Sunda Hamuleinid’a 24:14

Kid’a abozi mi dap mindid’a, a mba ki beged’a ad’ut ta ara mamulâ azi ki Jehojada. A min kahle suma sunda kur gong nga kud’ora kahle suma a kud’or ki na, kahle suma a ngal kahle suma ngat buzunina, ki kopma ki duguyo suma lora ki duguyo suma a lazi ki kawei ma hapmina mi. Kid’a Jehojada mi nga ki iramba, a nga hahle suma ngat buzu suma ngala burâ ki burâ kur gonga hi Ma didinid’a.

2 Sunda Hamuleinid’a 24:2

Kid’a ma ngat buzuna Jehojada mi nga ki iram tua d’a, Jowas mi le sun nda d’ingêra avok Ma didina.

2 Sunda Hamuleinid’a 24:6

Amulâ mi yi ma ngol ma ngat buzuna Jehojada, mi dum ala: Ni kayam me ba, ang nga de mi suma hi Levi-na á i ve beged’a abo suma Juda-na ki suma Jerusalem-ma d’uo ge? Ni bege d’a Moise azongâ hi Ma didinina mi ngat yam ablaud’a hi Israel-lîd’a á min ki zlub’u d’a zandu’â hi Ma didinina nga kuad’a d’uo zu?

Isai 58:2

Burâ pet azi nga halanu, a min á we lovot manda d’igi andjaf suma a nga tit yam d’ingêra suma a nga wal lei ki gat ta Alo mazina mi tinizizid’a d’uo na na, a nga halan ala an tinizi gat ta d’ingêra, azi min ala an hud’ï geveziya.

Matiye 13:19

Ata yima sana mi hum zla d’a yam leud’a hAlonid’a wani mi wat ad’ut tuo na, Ma tchona mi mba, mi hle zla d’a a zarat kurumba woyo. Wana nawu ma nde kur lovotina.

Matiye 13:21

Wani sideyem mi i nga kä ngol li, mi ve tam ndjö. Wani ata yima ndaka d’oze djop vuna nga mi le suma yam zlad’a hAlonid’ina, atogo hina zak, mi ar zlad’a hAlonid’a woyo.

Matiye 7:8

Kayam nge nge pî ma nga mi tchena, Alona mba mi humu; sama nga mi halâ, mba mi fe; sama nga mi dap vun gongina, a mba malamziya.

Marik 6:20

kayam Herot nga mi le mandara Jean, kayam mi wumu, ni sama d’ingêrâ, ni ma yed’etna mi. Mi ngomom djivid’a. Ata yima Herot mi hum zla mambina, nga mi djib’er kat ngola, nga mi humum ki furîd’a mi.

Jean 5:35

Jean ni lalam mba nga d’i ngal la nga d’i b’od’a mi. Agi lagi furîd’a kur b’o mata ndjö.

Sunda hi suma a sunuzinid’a 8:13

Simon tamba mi he gagazid’a mi. Kid’a mi le batemba dad’a, mi nga zlapa ki Filip. Kid’a mi wahle suma simat suma nglona kahle suma ndandal suma Filip mi lazina, mi le atchap.