Matiye 11:20 - Bible azumeina

²⁰ Ata yi máma, Jesus mi nde ngop azì ma nglo ma mam le sun nda nglo d’a atchapa kurâ, kayam azi mbut nga huruzi yam tcho mazid’a d’i.

Matiye 11:20 Iomraidhean Croise

Jeremi 8:6

An tin human nga ni huma, wani a nga de zla d’a ndak á ded’a d’uo d’a. Sama adigazi ma mi mbut hurum yam asa’at mamba ma mi dala: An le ni me na ge na nga d’i. Azi pet nge nge pî mi b’at tam á i yi máma d’igi akulum ma mi b’at tam á i dur ayînina na.

Matiye 12:41

Kur bur ma ka sariyad’a, suma Ninif-fâ a mba tchol á ka sariyad’a yam suma kur atchogoi d’a wandina, kayam suma Ninif-fâ a mbut huruzi yam wala tchid’a hi Jonas-sa. Gola! Ma kal Jonas ki ngolina mi kä wana.

Marik 16:14

Bugola, Jesus mi nde tam mbei ir suma hat suma dogo yam tuna, ata yima azi nga avun tenina. Mi ngobozi yam bei he gagazi mazid’a, yam hur mazi ma b’al ma a he nga gagazid’a yam suma a wum bugol tchol mamba d’uo na mi.

Marik 9:19

Jesus mi hulong dazi ala: Agi suma bei he gagazid’a suma kur atchogoi d’a wandina na, an mba ni kak ki sed’egi gak mindja ge? An mba ni ve tan ki sed’egi gak mindja ge? Agi mbeyendjïya.

Sunda hi suma a sunuzinid’a 17:20

Kayam ang mba ni ki zla d’a awilid’a atamiya, ami min á wat ad’ud’u.

2 Korente-na 12:21

An nga ni le mandarâ ala fata an hulongza adigagid’a, Alo mana mba mi hulongôn yan kä kua avorogiya, an mba ni tchi yam ablau suma a le tchod’a adjeu a ar nga tcho mazid’a ki ndjendjed’a ki mizeuna ki gaulangâ woi d’uo na mi.

Jacques 1:5

Wani le sana adigagi mi kid’ak ned’a ni, ar mi tchen Alona. Alona mba mi humziya, kayam Alona nga mi he mi suma pet hawa bei ngopa.

Vama ndum mbeina 16:11

Azi nga ngul Alo ma akulona abo pupuluk mazid’a, abo mbil mazina, wani azi min mbut huruzi yam sun mazi d’a tchod’a d’i.

Vama ndum mbeina 16:9

Suma a ngal lei abo huwaka haku ndata. Azi ngul simiyê Alo ma nga kad’enga yam tugud’ei d’a tcho ndatina, azi mbut nga huruzi yam tcho mazid’a á subur Alona d’i.

Vama ndum mbeina 2:21

An arat wa yina kayam ti mbut hurut yam tcho mata, wani ndat min mbut hurut yam mizeu matna d’i.