Matiye 11:11 - Bible azumeina

¹¹ Gagazi, an nga ni dagiya, aduk suma aropma a vud’uzina pet, ma kal Jean ma le suma batembina ki ngolina nga d’i. Wani ni ma gor ma nga kur leu d’a akulod’ina ba, mi kalam ki ngola.

Matiye 11:11 Iomraidhean Croise

Wana ni mbaktumba hi Job-pa 14:1

Job mi de kua ala: Sama atchad’a vud’uma, burumî akid’eid’a hina yegre, mi ni oîd’a ki ndaka mi.

Wana ni mbaktumba hi Job-pa 14:4

Ni nge ba, mba mi ndeï vama yed’etna woi ata vama ndjendjed’a ge? Sa tu pî mi ndak á le hina d’i!

Wana ni mbaktumba hi Job-pa 15:14

Sana ni nge ba, mi dala mam mi sama yed’etna ge? Sama atchad’a ti vud’uma mi ndak á kak sama d’ingêrâ zu?

Wana ni mbaktumba hi Job-pa 25:4

Ni nana ba, sana mi mbut sama d’ingêrâ avok Alona ge? Ni nana ba, sama atchad’a vud’uma mi mbut sama yed’etna ge?

Sawal la giled’a 51:5

Kayam an we tchila manda, an nga ni djib’er yam tcho manda teteu.

Isai 30:26

Kur bur ma Ma didina mba mi djin mbilâ hi sum mamina, ata yima mam mba mi tchilizi mbilizi ma a kazizina, b’od’a hi tilîd’a ti mba d’i mbut ni d’igi b’od’a hafatid’a na, b’od’a hafatid’a ti mba d’i b’o kal b’o d’a ti b’o kur burâ b’ob’o kid’iziyad’a na.

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

Matiye 11:10

Wana ni Jean ma a b’irim zlam kur mbaktumba hAlonid’ina ala: Alona mi dala: Gola! An nga ni sun man ma sunda avorong á min lovot manga na.

Matiye 11:12

A tinï ad’ud’a kur atchogoid’a hi Jean ma le suma batembina dei gak ini, suma a nga b’at leu d’a akulod’a ni kad’enga, ni azi suma a b’ad’at kad’engî ba a hlat mi.

Matiye 3:1

Kur bur máma Jean ma le suma batembina mi nde woyo, nga mi tchi wala kur ful la Jude-d’a.

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Matiye 5:19

Kayam ndata, sama lara ge ma tchila yam vun ma he ma ngiyeû ma aduk ma wanina, nga mi hat ki suma dingâ mi ni, a mba mbud’um gogorâ kur leu d’a akulod’a. Wani sama ngom vun ma he máma, mi hat suma dingâ mi ni, a mba mbud’um ma ngolâ kur leu d’a akulod’a.

Wana ni Zla d’a Djivi d’a Luc mi b’irita 1:15

Mba mi mbut sama ngolâ avok Salad’a, mba mi tche süm guguzlud’a ki süm ma ayîna d’uo mi. Mba mi oî ki Muzuk ma bei tchod’a ba na ata yima a mba vud’uma.

Wana ni Zla d’a Djivi d’a Luc mi b’irita 7:28

An nga ni dagiya, aduk suma aropma a vud’uzina pet ma kal Jean ma le suma batemba ki ngolina nga d’i. Wani ni ma gor ma nga kur leud’a hAlonid’ina ba, mi kalam ki ngola.

Wana ni Zla d’a Djivi d’a Luc mi b’irita 9:48

Mi dazi ala: Nge nge pî ma ve gogorâ d’igi ma wana na kayam anu, mi van ni anu. Nge nge pî ma van atama, mi ve ni Ma sununïna. Kayam mam ma mbut tam d’igi gogorâ na adigagina, ni ma ngolâ.

Jean 1:15

Jean mi le glangâsâ kamu, mi de ki delem akulo ala: Sa máma ni ma an dagi kam ala: Ni ma nga mi mba blogona, ni ma kalana, kayam mam mi ma avorona na.

Jean 1:27

ni ma nga mi djï blogona. An ndak á but ziyo atuguru mama d’i.

Jean 10:41

Suma ablaud’a a mba gevemu, a dala: Jean mi le nga vama ndandal yam tu d’i, wani zla d’a pet ta mam dat yam sa mámid’a ni gagazi.

Jean 3:30

Mbeî mam mbut ma ngol ma kalâ, an mbut ma gor ma kalâ.

Jean 5:35

Jean ni lalam mba nga d’i ngal la nga d’i b’od’a mi. Agi lagi furîd’a kur b’o mata ndjö.

Jean 7:39

Jesus mi de zla ndata ni yam Muzu’â hAlona ma suma a he gagazid’a kama a mba vuma, kayam Muzu’â nga bei humï tua, kayam Alona mi subur nga Jesus biya d’i.

1 Korente-na 15:9

Kayam an ni tobona hi suma a sunuzina pet, an ndak á yan sama a sunuma d’i, kayam an djop vun Toka hAlonid’a heî.

1 Korente-na 6:4

Le agi nga ki zla d’a hina d’a ni, ni kayam me ba, agi igi ki sed’et avok suma suma Toka ti golozi a ndak nga va d’uo na ge?

Efes-sâ 2:3

Ei pet adjeu ei ni d’igi azi na mi. Ei tid’i ni kur d’od’oka hi hliwid’a, ei lei ni minda hi hliunid’a kur djib’er meid’a mi. Ata vut meid’a ei ni suma Alona hurum zal kei d’igi suma hiuna na na mi.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

2 Timote 1:10

Wani ki tchetchemba, Alona mi nde wa suma ndata woi yam mbad’a hi Ma sud’ina Jesus Christ-sa. Kayam Jesus Christ mi kus yam matna, mi nde ari d’a bei dabid’a ba d’a woi abu pî d’a yam Zla d’a Djivid’a.

Hebre-na 11:40

Kayam Alona mi min nga vama djivi ma kalâ keya, bei ei ba ni, azi ndak á ndak memet ti.

1 Pierre 1:10

Ni yam sut ndata ba, suma djok vun Alona a feget fefek. Azi djok vuna woi avok yam he d’a hawa d’a Alona mba mi hagizid’a.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.