Matiye 11:1 - Bible azumeina

¹ Kid’a Jesus mi hat mam suma hat suma dogo yam mbàna hata, mi tchol ata yi máma, mi i á hat suma, á tchi wala kur azì máma mi.

Matiye 11:1 Iomraidhean Croise

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Matiye 4:23

Jesus nga mi tit yam andaga d’a Galile-d’a pet, nga mi hat suma kur gongîyo mazi suma toka, nga mi tchi wal Zla d’a Djivi d’a yam leud’a hAlonid’a, nga mi sut suma kur tugud’ei mazid’a ki suma homozed’a mi.

Matiye 7:28

Kid’a Jesus mi dap zla d’a ded’id’a, ablau suma a le atchap yam hat mamba,

Matiye 9:35

Jesus nga mi ngui tita kur azì ma nglona kazì ma gureina pet. Nga mi had’azi kur gongîyo mazi suma toka, nga mi tchazi wal Zla d’a Djivi d’a yam leud’a hAlonid’a, nga mi sud’uzi woi kur andjaf tugud’ei mazid’a teteng ki suma homozed’a pet mi.

Marik 6:12

Mam suma hata a iya, a nga tchi wala mi suma ala: Agi mbud’ugi hurugi yam tcho magid’a.

Wana ni Zla d’a Djivi d’a Luc mi b’irita 23:5

Wani a de ki delezi akulo ala: Nga mi hle djib’era hi sumid’a akulo, nga mi hat kur ambas sa Jude-d’a pet, tin ad’ud’a yam andaga d’a Galile-d’a dei gak mba ka hî.

Wana ni Zla d’a Djivi d’a Luc mi b’irita 8:1

Bugola, Jesus nga mi i kur azì ma nglona ki ma gureina, nga mi tchi wal Zla d’a Djivi d’a yam leud’a hAlonid’a. Suma hat suma dogo yam mbàna a nga ki sed’emu.

Jean 15:10

Le agi nga ngomogi vun man ma hed’a ni, agi mba kagagi kur o manda, d’igi an ngom vun ma hed’a hAbuna na, an nga kaka kur o mamba na mi.

Jean 15:14

Le agi nga lagi ahle suma an hagi vuna kazina ni, agi ni buniyôn suma kokodjona.

Sunda hi suma a sunuzinid’a 1:2

gak bur ma Alona mi hlum sä akulona. Avok i mam mba sä akulod’a, mi he vuna yam ad’enga hi Muzuk ma bei tchod’a ba na mi mam suma a sunuzi suma mi manazina.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 10:42

Mi hami vuna ala ami tchami wala mi suma, ami dami woi kam ala mam mi ma Alona manam á ka sariyad’a yam suma arina ki suma matnina.

1 Tasaloni’â 4:2

Kayam agi wagi vun ma he ma ami hagizi ki simiyê Salad’a Jesus-na.

2 Tasaloni’â 3:10

Kid’a ami nga ki sed’egi tua d’a, ami hagi vuna ala: Sama min le sunda d’uo na, ar agi hum tena d’i.

2 Tasaloni’â 3:6

B’oziyomina, ami nga hagi vuna ki simiyê Saleina Jesus Christ ala ar agi walagi woi ki b’oziyoina pet suma azulom suma a nga tit bugol hat ta ami had’azizid’a d’uo na.

1 Timote 6:14

ang ngom vun ma he máma bei ndala, bei ngula ba, gak bur ma Saleina Jesus Christ mba ndeï woina.