Matiye 10:36 - Bible azumeina

³⁶ Suma avo hi sanina a mba kak djangûna ki sed’emu.

Matiye 10:36 Iomraidhean Croise

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

2 Samuel 16:11

David mi de mi Abisai kazungeî mama pet ala: Gola! Goron ma kuruna tamba pî nga mi halan á tchid’a. Ma Benjamin máma zla mamba djivid’a kal luo zu? Agi aram mi ngula. Ma didina mi hum vuna ni mamu.

Sawal la giled’a 41:9

Mi dap wa ata zla d’a tchod’a! Gola! Mi nga ged’a kä! Mi dok tchol akulo d’uo d’a!

Sawal la giled’a 55:13

Ladjï man ma djangûna mi de zla d’a tchod’a kan ni mamu ni, an ve tanu; ladjï man ma d’ugura tchol dur ayîna ki sed’en ni mamu ni, an mba ni ngei tan avoromu.

Isai 19:2

Ma didin ma ad’engêm kal petna mi dala: An nga ni zut Ezipte-na á kak djangûna ata taziya. Nge nge pî mba mi dur ki wiyema, nge nge pî mba mi kak djangûna ki banama, azì ma ngolâ mba mi kak djangûna ki ndram azì ma ngolâ, leud’a mba d’i kak djangûna ki ndrat leud’a mi.

Jeremi 12:6

Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.

Jeremi 20:10

An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.

Mise 7:6

Kayam gorâ mba mi ngul abumu, gora mba d’i tchol huneîd’a kasud’u, atchad’a akunot ta hi gorotnid’a mba d’i tchol huneîd’a ki sed’ed’u, nge nge pî suma avo hatama a mba kak djangûna ki sed’emu.

Matiye 10:21

Suma a mba he b’oziyozina woi á tchid’a, abuyod’a a mba he grozina woi á tchid’a mi, grod’a a mba kak djangûna ki simiyêziya, a mba hazi woi á tchid’a mi.

Jean 13:8

Pierre mi hulong dum ala: Ang ndak á mbuzun asen ndi. Jesus mi hulong dum ala: Le an mbuzung aseng nguo ni, angî mana d’i.

1 Samuel 17:28

Wani wiyem ma ngolâ Eliyap mi hum David nga mi yo siretna ki sed’eziya, hurum zal ata David, mi dum ala: Ni kayam me ba, ang mba ka hî ge? Ang arza tumiyô mang suma ngiyeûna abagei ni mi nge ge? An we yam mang nga ad’eng ndata, ki djib’er mang nga tcho ndata; ang mba ka hî ná gol ayîna hawa na.