Matiye 10:26 - Bible azumeina

²⁶ Jesus mi had’azi kua ala: Ar agi lagi mandara suma d’i, kayam vama nga ngeid’a kä ma a mba ba bei ndum mbei pid’a’â nga d’i, d’oze vama nga gumun kä ma a mba ba bei wuma nga d’uo mi.

Matiye 10:26 Iomraidhean Croise

Zla d’a d’ogolâ 10:9

Sama mi tit tit ta ata yatina nga mi kak ki halasa, wani sama nga mi tit tit ta ata yat tuo d’ina, ad’um mba d’i ge woyo.

Zla d’a d’ogolâ 28:1

Sama asa’atna mi ringî bei sa mi digim ba, wani sama d’ingêrâ, mayîna ni d’igi azlo ma azongâ na.

Zla d’a d’ogolâ 29:25

Sama mi le mandara sumina mi gun ni dauna kä kamu, wani sama mi tin hurum yam Ma didinina, va nga mi lum mbi.

Ma tchi wala 12:14

Gorona, vama arâ, ang hum hat ta yam ahle ndazinid’a. Le a le ni mbaktumba ablaud’a pî, ti nga d’i dap pi; hat ta ngola ni kaud’a yam hliu tad’a.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Jeremi 1:8

Ma didina mi dan kua ala: Ar ang lazi mandarazi d’i, kayam an nga zlapa ki sed’eng á sud’ung ngeyo.

Ezekiyel 2:6

Ang gor sana, ang le mandarâ abo zla mazi d’a ded’a d’i, kayam ang mba kak adigazi ni d’igi sana mi kak aduk kekerezeuna kaweid’a d’oze yam hurd’ud’a na. Wani ang le mandarâ abo zla mazi d’a ded’a d’i, ar vunadigang pat avorozi d’uo mi, kayam azi nandjaf ma bei hum vuna ba na.

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Marik 4:22

Vama lara pî ma nga ngeid’ina a mba ndum mbei abua. Vama lara pî ma nga gumuna a mba ndum mbei pid’ak mi.

Wana ni Zla d’a Djivi d’a Luc mi b’irita 24:47

A mba tin ad’u tchi wala ki simiyêm yam zla mbut hurâ yam tchod’a á fe hur ma vata ata Alona yam tchod’a navo Jerusalem gak i ata andjaf suma pet.

Wana ni Zla d’a Djivi d’a Luc mi b’irita 8:17

Kayam vama nga ngeid’a ma a mba ndum mbei pid’ak kuo na nga d’i, vama gumun ma a mba ndum mbei pid’ak kuo na nga d’uo mi.

Sunda hi suma a sunuzinid’a 1:8

Wani fata Muzuk ma bei tchod’a ba na mba mi mba kagid’a, agi mba fagi ad’enga, agi mba mbud’ugi man suma glangâsâ kur Jerusalem ki Jude pet ki Samari gak dabid’a handagad’id’a.

Sunda hi suma a sunuzinid’a 4:13

Kid’a suma b’ak zlad’a a we Pierre azi ki Jean a nga ki hur ma ade’esîd’a, a le atchap, kayam azi ni suma bei hat mbaktumba, azi ni suma hawana. A we tetet ala azi ni suma a nga zlapa ki Jesus adjeuna.

Sunda hi suma a sunuzinid’a 4:19

Wani Pierre azi ki Jean a hulong dazi ala: Na ni ni d’ingêr avok Alona tala ami gami yami kä avorogi kal la ami gami yami kä avok Alonid’a zu? Agi kagi ir zla ndata.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

1 Pierre 3:14

Wani le agi nga fagi ndaka yam d’ingêra ni, agi lagi furîd’a ngola. Ar agi lagi mandarâ abo suma d’i, ar vunadigagi d’i pat tuo mi,