Matiye 1:22 - Bible azumeina

²² Ahle ndazina a le hina á ndak vun zla d’a Salad’a mi dat avun mam ma djok vuna ti ndak memet ala:

Matiye 1:22 Iomraidhean Croise

1 Amuleina 8:15

Bugola, mi dala: An le mersi mi Ma didina Alona hi Israel-lîna, mi ndak wa ini vun zla d’a mi dat mabun David-ta kad’eng mamba ala:

1 Amuleina 8:24

Ang ngom zla mang nga ang dat mazong mangâ abun David-ta ki vama ang dum ki vunangâ, ang ndagam wa vunam ini kad’eng manga.

Esdras 1:1

Kur biza d’a avok ka Sirus amul ma Perse-na nga mi tamulid’a, Ma didina mi nga hurum á ndak vun zla d’a mi dat avun mam ma djok vuna Jeremi-d’a. Mi mal djib’era hi Sirus amul ma Perse-nid’a woyo. Sirus mi tchi wala ki vunamu, mi b’ir mbaktumba mi suma kur leu mambina pet ala:

Matiye 12:17

Ahle ndazina a le hina á ndak vun zla d’a ma djok vun Alona Isai mi dat ala:

Matiye 13:21

Wani sideyem mi i nga kä ngol li, mi ve tam ndjö. Wani ata yima ndaka d’oze djop vuna nga mi le suma yam zlad’a hAlonid’ina, atogo hina zak, mi ar zlad’a hAlonid’a woyo.

Matiye 13:35

Ahle ndazina a le hina á ndak vun zla d’a ma djok vun Alona mi dat ala: An mba ni mal vunan ndei á de zlad’a ki d’ogolâ, an mba ni de vama nga ngeid’a kä adjeu dei kad’u tinda handagad’ina woyo d’a.

Matiye 2:15

Mi kak sä kua gak matna hi Herot-na, kayam zla d’a Salad’a mi dat avun mam ma djok vuna d’a ala: An yi gorona woi kur Ezipte d’a, ti ndak memet.

Matiye 2:23

Mi i kak kur azì ma a yum ala Nazarat-na, kayam zla d’a suma djok vun Alona a dat ala: A mba yum ala Ma Nazarat-na d’a, ti ndak memet.

Matiye 5:17

Jesus mi had’azi kua ala: Ar agi djib’eregi ala an mba ná b’lak gata hi Moise-sa ki hata hi suma djok vun Alonid’a woyo na d’i. An mba ná b’lagazi d’i, wani á ndagazi vunaziya.

Matiye 8:17

Ahle ndazina a le hina á ndak vun zlad’a hi ma djok vun Alona Isai d’a mi dat ala: Mi zi amangeî meid’a kamu, mi hle ni tugud’ei meid’a kamu d’a.

Wana ni Zla d’a Djivi d’a Luc mi b’irita 21:22

Kayam bur máma ni bur ma sä atchugula á ndak vun ahle suma a b’irizi kur mbaktumba hAlonid’ina.

Wana ni Zla d’a Djivi d’a Luc mi b’irita 24:44

Mi dazi kua ala: Wana ni zla d’a an dagizi kid’a an nga ki sed’egi tua d’a. An dagi ala: Mbeî ahlena pet suma a b’irizi kan kur gata hi Moise-sa, kur mbaktumba hi suma djok vun Alonid’a, kur Sawal la Giled’a mi na, a mba ndaga.

Jean 10:35

Le Alona mi yi suma zla mamba mba atazi adjeuna ala alona, le b’ira hAlonid’a ndak á mbut tuo ni,

Jean 15:25

Azi le hina kayam zla d’a a b’irit kur mbaktum mazi d’a gata ala: A noyôn ni hawa d’aru d’a ndak memet.

Jean 17:12

Kid’a an nga ki sed’ezid’a, an ngomozi ki simiyêng ma ang handjina, an nga ni ngomozi mi. Sa adigazi tu ba nga woi d’i, ni ma a tinim á bad’a woina hol, kayam zla d’a a b’irit kur mbaktum mangid’a ti ndak memet.

Jean 18:9

Mi de hina, kayam zla d’a mam dat ala: Suma ang handjina, sa adigazi tu ba woi d’uo d’a ti ndak memet.

Sunda hi suma a sunuzinid’a 3:18

Wani Alona mi ndak vun ahle suma mi dazi avok avun mam suma djok vuna pet ala Mesi mba mi fe ndaka na.

Romê-na 1:2

Alona mi hle vunam yam Zla d’a Djivi ndata avok dei mi mam suma djok vuna, kur mbaktum mba a tinit irat vata.

Vama ndum mbeina 17:17

Kayam Alona mi hazi djib’er ndata kuruzi á le min mamba, á ndjak vunazi tu, á hamul mazid’a mambur máma, gak zlad’a hAlonid’a ti ndak memet.