Matiye 1:2 - Bible azumeina

² Abraham mi vut Isak, Isak mi vut Jakob, Jakob mi vut Juda azi ki b’oziyoma,

Matiye 1:2 Iomraidhean Croise

Ad’u Tinda 25:19

Wana ni zla d’a de d’a yam Isak Abraham goromid’a: Abraham mi vut Isak;

Ad’u Tinda 25:26

Bugol wani wiyema nde woyo, abom mi ved’a dodogasem Esau. Ni kayam ndata ba, a yum ala Jakob. Ata yima a vud’uzina Isak bizamî dok karagaya.

1 Sunda Hamuleinid’a 1:28

Abraham groma ba wana: Isak ki Ismael.

1 Sunda Hamuleinid’a 1:34

Abraham mi vut Isak. Isak groma ba wana: Esau ki Israel.

Isai 41:8

Ma didina mi de kua ala: Agi Israel-lâ azungeî mana, agi suma hi Jakob ma an manama, agi andjafâ hi banana Abraham-ma,

Isai 51:2

Agi gologi abugi ngolo Abraham azi ki Sara d’a vud’ugid’a. Ata yima mam mi vam tuna, an yumu, an b’e vunan kamu, an zulum andjavam mi.

Matiye 1:1

Wana ni mbaktum mba yam andjafâ hi Jesus Christ ma ad’u andjafâ hi David ma ad’u andjafâ hi Abraham-mina:

Matiye 1:3

Juda azi ki Tamar a vut Peres azi ki Zera, Peres mi vut Hesron, Hesron mi vut Aram,

Sunda hi suma a sunuzinid’a 7:8

Alona mi djin vunam ki sed’em á ngat bayâd’a. Kid’a Abraham mi vut Isak-ka, mi ngad’am bayâd’a kur bur ma klavandina. Isak mi vut Jakob, mi ngad’am bayâd’a, Jakob mi vut abuyoi ngolo suma dogo yam mbàna, mi ngad’azi bayâd’a mi.

Hebre-na 11:11

Ni yam he gagazid’a ba, Sara tata fad’enga á ve wirâ ata yima bizat ta vuta kal leina, kayam ndat tin hurut ala ma hlat vunama ni ma d’engzengâ.

Hebre-na 7:14

Kayam ei wei tetet ala Saleina mi ndeï nad’u andjafâ hi Juda-na, wani Moise mi de zlad’a hi suma ngat buzunid’a ni yam andjaf máma d’i.

Vama ndum mbeina 7:5

A ka suma ad’u andjafâ hi Juda-na geuna dudubud’a dogo yam dudubud’a mbà, a ka suma ad’u andjafâ hi Ruben-na geuna dudubud’a dogo yam dudubud’a mbà, a ka suma ad’u andjafâ hi Gad-na geuna dudubud’a dogo yam dudubud’a mbà,