Matiye 1:11 - Bible azumeina

¹¹ Josiyas mi vut Jekoniya azi ki b’oziyoma. Ni kur atchogoi d’a a i ki sed’ezi magomba Babilon-nda.

Matiye 1:11 Iomraidhean Croise

2 Amuleina 23:31

Kid’a Jowahas mi kak amulid’a, bizamî dok mbà yam hindi. Mi tamula avo Jerusalem tilâ hindi. Asum a yat ala Hamutal ni Jeremi ma Libina-na goromba.

2 Amuleina 24:14

Mi yo suma avo Jerusalem-ma magomba, nala, suma nglo suma sunda pet ki suma gangrangâ pet ablawazi ni 10.000 zlapa ki suma d’alâ ki suma tchafa, mi arî suma hohou mazid’a kal lei ndena hol.

2 Amuleina 25:11

Ata yi máma Nebuzaradan ma ngolâ hi suma a ngom yinina, mi yo suma a ar kur azinina ki suma a i ad’u amul ma Babilon-nina zlapa ki suma d’al suma a arâ mi.

2 Sunda Hamuleinid’a 36:10

Kid’a a mba kur biza d’a awilid’id’a, Nebukanezar mi vum mi i ki sed’em avo Babilon zlapa kahle suma guzuzi kal tegles suma a le ki sunda kur gong nga kud’ora hi Ma didinid’ina, mi tin wiyema Sedekiyas amula yam suma Juda-na ki suma Jerusalem-ma mi.

2 Sunda Hamuleinid’a 36:20

Nebukanezar mi yo suma a sut tei avun ayînina, mi i ki sed’ezi Babilon, mi mbud’uzi magumei mama ki magumeina hi gromina mi gak a mba kur atchogoi d’a amul ma Perse-na mi mba á te leud’id’a.

Isai 13:1

Wana ni zla d’a sun nda Ma didina mi ndat tei ir Isai Amot goroma yam Babilon-nda:

Jeremi 27:20

Nahle suma Nebukanezar amul ma Babilon-na mi yozi nga d’uo kid’a mi ve Jekoniya Jojakim goroma amul ma Juda-na ki suma nglo suma Juda-na pet avo Jerusalem mi izi magomba Babilon-nda.

Jeremi 39:9

Ata yi máma Nebuzaradan ma ngolâ hi suma a ngom yinina, mi yo suma a ar kaka avo kur azì ma ngolîna ki suma a i ad’uma ki suma d’al suma a arâ mi.

Daniel 1:2

Salad’a mi he Jojakim abo Nebukanezar, mi bongôm lovota á yo ahle suma a nga kur gong nga kud’ora hAlonid’ina nde. Mi yo suma dingâ magomba, mi izi kur ambas sa Babilon-nda, mi tchuk ahle suma mi yozï hurumbina kur gong nga ngom ahlena kur gong nga kud’ora halo mamid’a.

Matiye 1:12

Kid’a a yozi magomba Babilon-nda, Jekoniya mi vut Salatiyel, Salatiyel mi vut Zorobabel,

Matiye 1:17

Tcholï ata Abraham dei gak mba ata David, ad’u andjafâ pet ni dogo yam fid’i; tcholï ata David dei gak mba kur bur ma a yozi magomba Babilon-na, ad’u andjafâ pet ni dogo yam fid’i; tcholï ata bur ma a yozi magomba Babilon-na dei gak mba ata Mesi, ad’u andjafâ ni dogo yam fid’i mi.