Marik 9:7 - Bible azumeina

⁷ D’ugula ti mba, ti kulubuzi kanguzad’u, dela ti tcholï kur d’ugula, ti dala: Wana ni Goron ma an hurun vum heîna; agi humugiziya.

Marik 9:7 Iomraidhean Croise

Sawal la giled’a 2:7

An min tak gat ta Ma didina mi tinita woi abua. Mi dan ala: Angî gorona! An vud’ung wa ini.

Sawal la giled’a 97:2

Nduvunda ki d’ugula a nguyumu, d’ingêra ki sariya d’a ka d’a d’ingêra nad’u ged’a hi leu mam mba ted’id’a.

Buzuk ka Abud’a 24:16

Subura hi Ma didinid’a ti nde woi yam ahina d’a Sinai-d’a, d’ugula dugut yat b’eb’et gak burâ karagaya. Kur bur ma kid’iziyana Ma didina nga mi yï Moise kur d’ugula.

Buzuk ka Abud’a 40:34

Ata yi máma d’ugula oî kur zlub’u d’a ngaf ta d’a a tinit irat vata, subura hi Ma didinid’a ti oî kurut mi.

Daniel 7:13

Kid’a an nga ni gol vama nde tam mbei iran andjegena tua d’a, an gol wani, sana nga mi djï yam dugula d’igi gor sana na, mi mba, mi hut gen ma abizei ma dedei máma, a mbamzi avoromu.

Matiye 27:43

Mi tin hurum yam Alona; le mi le kamu ni, ar mi sud’um ka tchetchem, kayam mi dala: An nAlona Goroma.

Matiye 27:54

Ma ngol ma azigarâ abom kis ma Romê-na azi ki suma a nga ki sed’em á ngom Jesus-na, kid’a a we yira handagad’a kahle suma a lenid’a, a le mandarâ, a dala: Gagazi, sa máma nAlona Goroma.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Marik 1:11

Ata yi máma dela ti tcholï akulo ti dala: Angî Goron ma an hurun vang heîna; tan ndi lan djivid’a heî kangû.

Marik 9:6

Kayam mi we nga vama mi duma d’i abo mandar ma tchazi su na.

Marik 9:8

Atogo hina zak, suma hata a gol geveziya, wani a we nga sa d’i, ni Jesus hol ki sed’eziya.

Wana ni Zla d’a Djivi d’a Luc mi b’irita 3:22

Muzuk ma bei tchod’a ba na mi surop kamu, mi hle tam d’igi gugud’a na. Dela ti tcholï akulo, ti dala: Angî Goron ma an hurun vang heîna; tan ndi lan djivid’a heî kangû.

Jean 1:34

Jean mi dala: An we, an nga ni le glangâsâ kam ala: Mam mi Alona Goroma.

Jean 1:49

Natanayel mi hulong dum ala: Ma hat suma, angî Alona Goroma, angî amulâ hi Israel-lîna.

Jean 12:28

Abunu, ang subur simiyêngû. Kayam ndata, dela ti tcholï akulo ti dala: An suburum wa da’, an mba hulong suburum kua d’ei.

Jean 19:7

Juif-fâ a hulong dum ala: Ami nga ki gata. Kur gat ndata djivid’a mi mid’a, kayam mam mbut tam ala mam mi Alona Goroma.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Jean 5:18

Kayam ndata, Juif-fâ a nga halam ngola á tchum mbei ni kayamba mi b’la’î bur ma sabatnid’a hol li, wani nga mi yi Alona ala Abumu, nga mi mbut tam dedege d’igi Alona na mi.

Jean 5:37

Abun ma sununïna, mi le wa glangâsâ kanu. Agi humum nga delem yagi tu d’i, agi wum nga iram mbuo mi.

Jean 6:69

Ami hami gagazid’a, ami wami ala angî Ma dingêr ma tcholï gen Alonina.

Jean 9:35

Jesus mi hum ala a dik wa ma duka woi abua, mi fumu, mi dum ala: Ang he gagazid’a yam Gor Sana zu?

Sunda hi suma a sunuzinid’a 1:9

Bugol la mi de zla ndata dad’a, Alona mi hlum sä akulo. Kid’a azi nga golom tua d’a, d’ugula vid’im iraziya.

Sunda hi suma a sunuzinid’a 7:37

Ni Moise máma ba, mi de mi Israel-lâ ala: Alona mba mi tchol ki mam ma djok vuna tu aduk b’oziyogina d’igi an na.

Sunda hi suma a sunuzinid’a 8:36

Kid’a azi nga kur lovota tua d’a, a mbaza avun huruguka. Adimbang mi dum ala: Ang gol mbina wana: Vama d’elen bei le batemba ni me ge? [

Romê-na 1:4

ni ma Muzuk ma bei tchod’a ba na mi de woi kam kad’enga ala mam mi Alona Goroma ata yima mi tcholom akulo aduk suma matnina, ni Jesus Christ Saleina.

Hebre-na 2:1

Kayam ndata, mbeî ei djib’erei ngola yam ahle suma ei humizina, ar ei walei woi dei ki sed’ezi d’i.

2 Pierre 1:17

Kayam Abum Alona mi hum mi suburum ata yima dela ti tcholï ata subur ra ngol la kal papad’a ala: Wana ni Goron ma an hurun vum heîna, ni ma tan ndi lan djivid’a heî kama na.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!