Marik 9:47 - Bible azumeina

⁴⁷ Le irang nga d’i ing kur tchod’a ni, ang pad’at teyo. Djivid’a kal la ang kal kur leud’a hAlonid’a ki irang mbeka tala a gang aduk Jahanama ki irang zla tat djagu d’a.

Marik 9:47 Iomraidhean Croise

Ad’u Tinda 3:6

Atchad’a ti wala agu máma mi djivid’a á gola, mi djivid’a á ted’a, mi djivid’a kal á wad’ud’a tetet. Kayam ndata, ti mat abod’u, ti ndot vud’agu máma, ti tumu, ti hum mi ndjuvut ma nga ki sed’etna, mi tum mi.

Wana ni mbaktumba hi Job-pa 31:1

Job mi de kua ala: An hle vunan ki gun tad’a ala: An dok ni le d’od’oka yam gor wei d’uo d’a.

Sawal la giled’a 119:37

Ang mbud’un iran ndei yam ahle suma hawa ya’â, ar an tit ni kur lovot ta lang tang djivid’id’a.

Matiye 18:9

Le irang nga d’i ing kur tchod’a ni, ang pad’at gat tei dei. Djivid’a kal la ang kal kur arid’a ki irang tud’a kala a mba gang aduk aku d’a Jahanama ki irang djaka.

Matiye 5:22

Wani an nga ni dagiya, sama layîna ki wiyemina, sariyad’a mba d’i vumu. Sama de mi wiyema ala: Ang ma yang nga kang nguo na, a im avok suma bak zlad’a. Wani sama de mi wiyema ala: Angî lilid’a na, mi ndak á kal kur aku d’a Jahanama.

Marik 9:43

Le abong nga mi ing kur tchod’a ni, ang kam mbeyo. Djivid’a hotei ang kal kur arid’a kabong ma mututungâ tala a ing kur Jahanama aduk aku d’a bei mit teid’a kabong ma dja’â d’a. [

Marik 9:46

Ata yi máma, ndjuvulâ nga mi mit ti, akud’a nga d’i mit tuo mi.]

Wana ni Zla d’a Djivi d’a Luc mi b’irita 14:26

Le sana mi mba gevenu, mi noî nga abum azi kasum kamamba ki groma ki b’oziyom suma andjofâ ki suma aropma mi noî nga mam tamba woi d’uo ni, mi ndak nga man ma hata d’i.

Jean 3:3

Jesus mi hulong dum ala: Gagazi, an nga ni dangû, le a vut nga sana vut ta awilid’a d’uo ni, mi ndak á we leud’a hAlonid’a d’i.

Jean 3:5

Jesus mi hulong dum ala: Gagazi, an nga ni dangû, le a vut nga sana ki mbina ki Muzu’â hAlonina d’uo ni, mi ndak á kal kur leud’a hAlonid’a d’i.

Galat-na 4:15

Furî magi ndata ti nga ni lara ge? An nga ni dagi woi mbak, le ni vama nda’â ni, agi pad’agiya wa iragi handjiya wa kur bur máma.