Marik 9:41 - Bible azumeina

⁴¹ Wani sama lara pî ma hagi mbiyo ma tched’a kur kopma yam simiyêna kayambala agi ni suma hi an Christ-sâ d’a ni, gagazi, an nga ni dagiya, Alona mba mi wuragamu.

Marik 9:41 Iomraidhean Croise

Matiye 10:42

Sama lara pî ma he mbiyo ma b’lengâ kur kopma mi ma gor ma aduk man suma hatina kayambala mam ni man ma hata d’a ni, gagazi, an nga ni dagiya, Alona mba mi wuragamu.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Marik 4:10

Kid’a Jesus mi wala kablau sumid’a, suma a nga kak kä gevem ki mam suma dogo yam mbàna, a djobom yam zla d’a d’ogol ndata.

Romê-na 14:15

Le ang nga b’lak hur wiyengâ yam te mangâ ni, ang nga tit kur od’a d’uo d’a. Ar ang ba sama Christ mi mit kama woi yam te mangâ go d’i.

Romê-na 8:9

Wani le Muzu’â hAlonina mi nga kaka kurugiya ni, agi nga tid’igi bugol minda hi sa magi ma adjeunid’a d’i, wani agi tid’igi ni yam minda hi Muzu’â hAloninid’a. Le sana mi nga ki Muzu’â hi Christ-sâ kurum mbuo ni, mam mi sa mama d’i.

1 Korente-na 15:23

Wani nge nge pî mba mi tchol ni ki yi mama; Christ ni ma avogozina pet, bugola, suma ala ni mama na a mba fe arid’a kur bur ma mam mba mi hulong kuana.

1 Korente-na 3:23

Wani agi ni suma hi Christ-sâ, Christ tamba ni hAlonina mi.

2 Korente-na 10:7

Agi nga gologi ahle suma a nga abu pid’ak iragina. Le sama djib’er ala mam mi sana hi Christ-sâ ni, ar mi djib’er hina ala ami tami ni suma hi Christ-sâ d’igi mam na mi.

Galat-na 3:29

Le agi ni suma hi Christ-sâ ni, agi nandjafâ hi Abraham-ma mi. Agi ni suma te djo ma Alona mi hle vunam kama mi.

Galat-na 5:24

Wani suma hi Jesus Christ-sâ a b’al wa sa mazi ma adjeuna ki d’od’ok mamba ki min mamba akulo ata aguna.