Marik 9:23 - Bible azumeina

²³ Jesus mi dum ala: Ni kayam me ba, ang dala: Le ang ndaga ge? Sama he gagazid’ina, mi ndak á lahlena pet.

Marik 9:23 Iomraidhean Croise

2 Sunda Hamuleinid’a 20:20

A tchol ki yorogo tcholola, a buzuk á i irazi abo ma hur ful ma Tekowa-na. Ata yima a buzuk keina, Josafat mi tchol avoroziya, mi dazi ala: Agi suma Juda-na ki suma avo Jerusalem-ma, agi humunu! Agi vagi tagi ad’enga kur hur magi ma tinda yam Ma didina Alo magina. Hina wani, agi mba tchologi ad’enga ngingring! Agi tinigi hurugi yam mam suma djok vuna. Hina wani, agi mba kuzugi ayîna!

Matiye 14:29

Jesus mi dum ala: Ang mbeya. Pierre mi tchuk asem mbei kur alumba, nga mi tit yam mbina á i gen Jesus.

Matiye 17:20

Mi hulong dazi ala: Kayam he gagazi magid’a akid’eid’a. Gagazi, an nga ni dagiya, le he gagazi magid’a ni d’igi ir mutarâ na ni, agi dagi mahina d’a wanda ala: Ndak pat tak iza hî ni, mba d’i pat ti i mi. Vama mba mi hlagi abod’ina nga d’i. [

Marik 11:23

Gagazi, an nga ni dagiya, le sama lara pî ma de mahina d’a wanda ala: Ndak pat tak ge tak kur alum ma ngolâ, wani le mi le nga gigrit kurum mbuo, le mi tin hurum yam vama mi duma ala mba mi le ni, a mba lumzi hina mi.

Marik 9:22

Wani nga mi gum aduk akud’a teteu, mi gum aduk mbina mi á tchum mbeyo. Wani le ang ndak á le va ni, ang wami hohowomiya, ang ndjunumiya.

Marik 9:24

Ata yi máma na wat, gorâ abum mi er ad’um tchina akulo, mi dala: An he wa gagazid’a, ang ndjunun yam bei he gagazi manda.

Wana ni Zla d’a Djivi d’a Luc mi b’irita 17:6

Salad’a mi dazi ala: Le he gagazi magid’a ni d’igi ir mutarâ na ni, agi ndak á dagi mi diyaga d’a wanda ala: Ndak pat tak ki sideyegu, i pe tak kä kur alum ma ngolâ, ti mba d’i pat mi.

Jean 11:40

Jesus mi dat ala: An dak ala: Le ndak he gagazid’a ni, ndak mba d’i we subura hAlonid’a d’uo zu?

Sunda hi suma a sunuzinid’a 14:9

Mi hum wal la tchid’a hi Paul-la. Ata yi máma, Paul mi so iram kamu, mi wum ala mi he gagazid’a á fe lafiya d’a.

Hebre-na 11:6

Wani bei he gagazid’a, sana mi ndak á lAlona tam djivid’a d’i. Kayam sama min hut go gen Alonina, mbeî mi he gagazid’a ala Alona mi nga, mam mi ma nga mi wurak suma a nga halama mi.