Marik 9:18 - Bible azumeina

¹⁸ Ata yima lara ge pet ma le mi vum wa ni, mi tchum kä, angufa dap avunam mbei papa, mi mut siyamu, mi so woi ngingring mi. An de mi mang suma hata a digim mbeyo, wani azi ndak ki.

Marik 9:18 Iomraidhean Croise

Wana ni mbaktumba hi Job-pa 16:9

Mi nga mi kizagan ndei kayî mama, nga mi durun ayîna, nga mi et siyam atanu, man ma djangûna iram nga d’i d’us atan mi.

Sawal la giled’a 112:10

Sama asa’atna mba mi we hina wani, mba mi ka guruta, mba mi mut siyamu, ad’engêm mba d’i dap pei mi. Suma asa’atna, min mazid’a mba d’i kal leyo.

Matiye 15:22

Atcha d’a Kanan-nda, ti mba ti er ad’ut akulo ala: Salana, David goroma, ang wan hohowonu, kayam muzuk ma tchona mi nga kur goronda, nga mi lat ndaka heî.

Matiye 17:16

An mbam mi mang suma hata, wani azi ndak á sud’um mbi.

Matiye 8:12

Wani sumala leud’a ni mazid’a na, a mba tchuguzi woi abu kur nduvunda; sä kua a mba tchiya, a mba mut siyazi mi.

Marik 11:23

Gagazi, an nga ni dagiya, le sama lara pî ma de mahina d’a wanda ala: Ndak pat tak ge tak kur alum ma ngolâ, wani le mi le nga gigrit kurum mbuo, le mi tin hurum yam vama mi duma ala mba mi le ni, a mba lumzi hina mi.

Marik 9:17

Sama dingâ aduk ablau suma mi dum ala: Ma hat suma, an mbangî goron ma nga ki muzuk ma tcho ma d’elem bei de zlad’ina.

Marik 9:19

Jesus mi hulong dazi ala: Agi suma bei he gagazid’a suma kur atchogoi d’a wandina na, an mba ni kak ki sed’egi gak mindja ge? An mba ni ve tan ki sed’egi gak mindja ge? Agi mbeyendjïya.

Marik 9:20

A mbamziya. Atogo hina zak, kid’a muzuk ma tcho máma mi we Jesus-d’a, mi pret gorâ daraweî, mi puk kä, nga mi mbuzuk kä dudu kangufa avunamu.

Marik 9:26

Wani ata yima mi er ad’um tchina akulona, mi pred’em kua kua, mi nde woyo. Gorâ mbut d’igi sama matna na; ablau suma a nga dala: Mi mit wa.

Sunda hi suma a sunuzinid’a 7:54

Kid’a suma b’ak zlad’a a hum zla ndatid’a, huruzi zal ngola, a mut siyazi atamu.

Jude 1:13

Azi ni d’igi abilâ halum ma ngol ma nga mi sulul hubup hubup ki sun mazi d’a zulona na, azi ni d’igi tchitchiu d’a tcha tata d’a na. Alona nga mi ngomozi kä kur yima nduvun ma i’îlik ma yiyi’â gak didin.