Marik 9:10 - Bible azumeina

¹⁰ Azi ngom zla ndata kuruzi mi, wani a nga djop tazi ala: Tchol la akulo aduk suma matna ndata, ad’ut nana ge?

Marik 9:10 Iomraidhean Croise

Ad’u Tinda 37:11

B’oziyoma huruzi zal atamu, wani abum mi ve zla ndata kurumu.

Matiye 16:22

Wani Pierre mi vum im woi gen nde, mi nde ngobom ala: Salana, ar Alona mi mbang ahle ndazina kang ngi.

Marik 9:11

Mam suma hata a djobom ala: Ni kayam me ba, suma hat gata a nga dala: Elie mba mi mba avo’î mam tua ge?

Marik 9:32

Wani azi we nga zla ndata ad’ut ti, a le mandarâ á djobomu.

Marik 9:9

Kid’a azi nga tchugï asezi kä woi yam ahinad’id’a, Jesus mi gad’azi ala: Agi dagi vama agi wuma mi sa d’i, gak an Gor Sana ni tchol akulo aduk suma matna mbeî tua.

Jean 12:16

Mam suma hata a we nga ad’u zla ndata avok ki, wani kid’a Alona mi hlum akulo mi suburumba, humazi gazi yam zla d’a mbaktumba hAlonid’a ti dat kamba kahle suma azi lazi ki sed’ema mi.

Sunda hi suma a sunuzinid’a 17:18

Suma hiu suma a nga hat suma yam ned’a hi suma Epikuri-na ki d’a hi suma Estoisi-nid’a a nde tchi tuguyod’a ki sed’emu. Suma dingâ a nga dala: Ma tchit máma mi min de nana ge? Suma dingâ a nga dala: Mam mi d’igi sama tchi wal zlad’a halo ma teteng ma dingîd’a na, kayam mi nga mi tchi wala yam Jesus ki tchol mam mba akulo aduk suma matnid’a.