Marik 8:31 - Bible azumeina

³¹ Jesus mi nde mi hat mam suma hata ala: Mbeî an Gor Sana mba ni fe ndaka ngola. Suma nglona azi ki nglo suma ngat buzuna ki suma hat gata a mba noyônu, a mba tchanu, wani kur bur ma hindina, an mba ni tchol akulo aduk suma matna.

Marik 8:31 Iomraidhean Croise

Sawal la giled’a 118:22

Ahina d’a suma djak gonga a gat teid’a, ti mbut ta djik gonga akulod’a.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Wana ni mbaktumba hi Oze-d’a 6:2

Kur bur ma mbàna mba mi tchiliya, kur bur ma hindina mba mi tcholei akulo, ei mba kagei ki irei avoromu.

Matiye 12:40

D’igi Jonas mi le burâ kur kuluf ma ngolâ falei hindi andjege hindi na, an Gor Sana mba ni le burâ hindi faleya, hindi andjege kä aduk andagad’a hina mi.

Matiye 21:42

Jesus mi dazi ala: Agi ndumugi nga zla d’a a b’irit kur mbaktumba hAlonid’a yagi tu ala: Ahina d’a suma djak gonga a gat teid’a ni d’a mbut ta djik gong nga akulod’a. Wana ni sun nda led’a hi Ma didinid’a. Ni vama ndandalâ ireya d’a d’uo zu?

Matiye 27:63

a dum ala: Sama ngolâ, humami gami yam zla d’a sama ka zla máma, kid’a mam nga ki iram tua d’a, mi dala: Bugol bur ma hindina, an mba ni tchol akulo aduk suma matna.

Marik 12:10

Agi ndumugi nga zla d’a a b’irit kur mbaktumba hAlonid’a ala: Ahina d’a suma djak gonga a gat teid’a, ti mbut ta djik gonga akulod’a.

Wana ni Zla d’a Djivi d’a Luc mi b’irita 17:25

Wani mbeî an Gor Sana mba ni fe ndaka ngola avok tua, suma kur atchogoi d’a wandina a mba noyôn ndei mi.

Wana ni Zla d’a Djivi d’a Luc mi b’irita 24:26

Mbeî Mesi mi fe ndaka yam ahle ndazina tua ba, mi kal kur subur mamba d’uo zu?

Wana ni Zla d’a Djivi d’a Luc mi b’irita 24:44

Mi dazi kua ala: Wana ni zla d’a an dagizi kid’a an nga ki sed’egi tua d’a. An dagi ala: Mbeî ahlena pet suma a b’irizi kan kur gata hi Moise-sa, kur mbaktumba hi suma djok vun Alonid’a, kur Sawal la Giled’a mi na, a mba ndaga.

Jean 12:48

Sama noyôn ndei ma ve zla manda d’uo na, ma mba mi kam sariyad’a kama mi nga. Zla d’a an data, ni ndat ba, mba d’i kam sariyad’a kam kur bur ma dabid’a.

Jean 2:19

Jesus mi hulong dazi ala: Agi togi gong nga kud’ora hAlona d’a wanda kä, wani kur bur ma hindina, an mba ni minit akulo.

Sunda hi suma a sunuzinid’a 7:35

Ni Moise ma Israel-lâ a noyôm mbei ala: Sama tining amula ki ma ka sariyad’a kami ni nge nge na ba, Alona mi sunum á tamula kazi á pad’azi woi zlapa ki malaika ma nde tam mbei iram aduk awei-avirinina.

1 Korente-na 15:4

a tozomu, wani mi tchol akulo aduk suma matna kur bur ma hindina d’igi mbaktumba hAlonid’a ti de na;

1 Samuel 10:19

Samuel mi dazi kua ala: Wani ki tchetchemba, agi noyôgi Alo magi ma sud’ugi woi kur bur ma tchona ki bur ma ndakina. Agi dan ala: Ang tinimi amulâ. Djiviya! Ki tchetchemba, agi mbeyegi avok Ma didina ad’u andjavagiya, ad’u andjavagiya.

1 Samuel 8:7

Ma didina mi de mi Samuel ala: Ang hum zlad’a hi Israel-lîd’a, ang lahlena pet suma azi dangzina. Azi noyôngî ang ngi, a noyôn ni anu. Azi min ala an tamula kazi d’uo d’a.