Marik 7:7 - Bible azumeina

⁷ A nga kud’uron ni ki vunazi hawa yak, kayam hat ta azi nga hat ki sumid’a ni vun ma hed’a hi sumina.

Marik 7:7 Iomraidhean Croise

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Malatchi 3:14

Agi dagi ala: Ei tchi tei á le sunda mAlona ni hawa. Kid’a ei nga ngomei gat mamba ei tid’i ki hohoud’a avoromba, ei fei ni me abo Ma didin ma ad’engêm kal petna ge?

Matiye 15:9

A nga kud’uron ni ki vunazi hawa yak, kayam hat ta azi nga hat ki sumid’a ni gata hi sumid’a.

Matiye 6:7

Ata yima agi nga tchenegi Alonina, ar agi zulugi zlad’a kua d’igi andjaf suma bei wAlona a nga le na d’i, kayam azi djib’er ala ni yam zla mazi d’a zula ba, Alona mba mi humuziya.

1 Korente-na 15:14

Le Christ mi tchol nga akulo aduk suma matna d’uo ni, wal mami d’a tchid’a ni hawa, he gagazi magid’a ni hawa mi.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

Gat ta a hat á mbàd’id’a 12:32

Agi tid’igi yam vun ma he ma an hagizina, agi ngomogiziya, agi tinigi vama ding kam kua d’uo mi na, agi pad’agi va woi kua d’uo mi.

Kolos-sâ 2:22

Ahle ndazina pet, le sana nga laziya ni, mba mi ba woi ki sed’eziya. Ahle ndazina pet a ni gata ki hata hi sumid’a hol.

Wana ni mbaktum mba Paul mi b’irit mi Tit-ta 3:9

Wani ang wal lei ki djop pa lilid’a kandjaf ma ndum ma dabi mamba nga d’uo na ki yalâ ki tuguyo d’a yam gatid’a. Kayam ahle ndazina a nga ki mbina d’i, wani nahle suma hawa ya’â.

Jacques 1:26

Le sama ding djib’er ala mam he gagazid’a yam Alona, wani le nga mi ngom sinam mbuo ni, mi lop mi tamu, he gagazi mam mba yam Alonid’a ni hawa.

Jacques 2:20

Ang ma lilid’a, ang we nga ala he gagazi d’a bei sunuta ni hawa d’uo zu?

Vama ndum mbeina 22:18

An Jean nga ni dahle ndazina woi mi suma pet suma a nga hum zla d’a a nga djogot tei kur mbaktum ndatid’ina. Sama tchuk zla d’a dinga yam zla ndata kuana, Alona mba mi tumum ki tugud’ei d’a tcho d’a a b’irit kur mbaktum ndatid’a.

1 Samuel 12:21

Ar agi walagi woi ki sed’em á le sunda malo ma hawa yak ma ndak á ndjun sa d’oze ma ndak á sut sa d’uo na d’i, kayam mam mi alo ma hawa ya’â.