Marik 6:2 - Bible azumeina

² Kid’a bur ma sabatna ndaka, mi tin ad’u á hat suma kur gong nga toka hi Juif-fîd’a. Ablau suma a huma, a le atchap, a dala: Sa máma mi fahle ndazina ni lara na ge? Mi fe ne ndata ni lara ba, nga mi lahle suma ndandal ndazina na ge?

Marik 6:2 Iomraidhean Croise

Matiye 4:23

Jesus nga mi tit yam andaga d’a Galile-d’a pet, nga mi hat suma kur gongîyo mazi suma toka, nga mi tchi wal Zla d’a Djivi d’a yam leud’a hAlonid’a, nga mi sut suma kur tugud’ei mazid’a ki suma homozed’a mi.

Matiye 7:28

Kid’a Jesus mi dap zla d’a ded’id’a, ablau suma a le atchap yam hat mamba,

Marik 1:39

Mi kal kur ambas sa Galile-d’a pet, nga mi tchi wala kur gongîyo mazi suma toka, nga mi dik muzuk ma teteng ma tchona woi kur suma mi.

Marik 10:1

Jesus mi tcholï sa hî, mi mba kur andaga d’a Jude-d’a. Bugola, mi djak alum ma Jurdê-na, mi i abo hî. Ablau suma a togï gevem kuana, nde mi had’azi d’igi nga mi ladjeu dei na.

Wana ni Zla d’a Djivi d’a Luc mi b’irita 2:47

Suma pet suma a hum zla mambina, a le atchap yam ne mamba ki zla d’a de d’a nga mi hulongôzizid’a mi.

Wana ni Zla d’a Djivi d’a Luc mi b’irita 4:15

Nga mi had’azi kur gongîyo mazi suma toka; azi pet a suburumu.

Jean 6:42

Azi dala: Wana ni Jesus Josef goroma d’uo zu? Ni ma ei wum abum azi kasuma d’uo zu? Ni nana ba, mi dala: An tcholï nakulo ge?

Jean 7:15

Juif-fâ a le atchap, a dala: Sa máma mi le nga hata yam tu d’uo ko mi na. Ni nana ba, mi we mbaktumba na ge?