Marik 6:14 - Bible azumeina

¹⁴ Kur bur máma amulâ Herot mi hum zla Jesus, kayam zlam nde ata yina pet. Suma dingâ a nga dala: Ni Jean ma le suma batemba ba, mi tchol akulo aduk suma matna. Ni kayam ndata ba, mi nga kad’enga á lahle suma ndandalâ wana.

Marik 6:14 Iomraidhean Croise

2 Sunda Hamuleinid’a 26:15

Mi tin masin ma sama d’alâ mi lum kur gong nga fiyak ka ndjol la a minit yam yima gulumuna kong kuana, kayam mi yet suma djangûna ki yeûd’a, mi duruzi kahina d’a nglod’a mi. Oziyas zlam nde yina ata yima deina, kayam Alona mi lahle suma atchapma ki sed’em gak ad’um b’al kä ad’enga ngingi.

2 Sunda Hamuleinid’a 26:8

Suma Amon-na a mbam ki he d’a hawad’a. Simiyêm mi nde yina ngola, gak mi i avun hagad’a hi Ezipte-d’a, kayam ad’eng mamba nga d’i i avogovok ngola.

Matiye 9:31

Wani a buzuga, a i dum zlam mbei yam andaga ndata pet.

Marik 1:28

Atogo hina zak, zlam mbi nde yina pet yam andaga d’a Galile-d’a.

Marik 1:45

Wani mi ndabua, mi nde tchi wal zla ndata woi avogovok gak Jesus mi fe nga lovota á kal kur azì máma pid’ak ki, wani mi nga nabageya. Suma a tcholï ata yina pet a mba gevemu.

Marik 8:28

Azi hulong dum ala: Suma dingâ a nga dala angî Jean ma le suma batemba; suma dingâ ala angî Elie; suma dingâ ala angî ma dingâ tu aduk suma djok vun Alona.

Wana ni Zla d’a Djivi d’a Luc mi b’irita 13:31

Kur bur máma Fariziyê suma hiuna a mba, a de mi Jesus ala: Ang nde i ata yima dingâ, kayam Herot nga mi halang á tchid’a.

Wana ni Zla d’a Djivi d’a Luc mi b’irita 3:1

Kur bizad’a dogo yam vahl hla Tiber Sesar nga mi te yambid’a, ata yi máma, Pôs Pilat nga mi te yam andaga d’a Jude-d’a, Herot nga mi te yam andaga d’a Galile-d’a, wiyema Filip nga mi te yam andaga d’a Iture-d’a kandaga d’a Trasonit-ta, Lisaniyas nga mi te yam andaga d’a Abilen-nda mi.

Wana ni Zla d’a Djivi d’a Luc mi b’irita 7:17

Kayam ndata, zlam nde yina kur ambas sa Jude-d’a pet kambas sa nguyuta mi.

Wana ni Zla d’a Djivi d’a Luc mi b’irita 9:19

Azi hulong dum ala: Suma dingâ a nga dala angî Jean ma le suma batemba, suma dingâ ala angî Elie, suma dingâ ala angî ma dingâ tu aduk suma djok vun Alona suma adjeuna ba, mi tchol akulo.

1 Tasaloni’â 1:8

Kayam zlad’a hi Salad’id’a ti ndeï hatagi ti b’rau woi ni yam andaga d’a Maseduwan-nda ki d’a Akai-d’a hol li, wani he gagazi magi d’a yam Alonid’a, zlat nde ata yina pet. Kayam ndata, ami nga ki zla d’a ding á de kat tuo d’a.

Hebre-na 2:4

Ata yi máma, Alona tamba mi le glangâsâ zlapa ki sed’ezi kahle suma simata kahle suma atchapma kahle suma ndandalâ teteng, yam he d’a hawad’a hi Muzuk mam ma bei tchod’a ba na d’a mi b’rawat mi suma yam min mambid’a.