Marik 5:7 - Bible azumeina

⁷ mi er ad’um tchina akulo ala: Vama mi ndolong ki sed’en ni me ge? Jesus Alo ma sä akulo ma kal teglesâ Goroma, an nga ni tcheneng ki simiyê Alona, ang lan ndaka d’i.

Marik 5:7 Iomraidhean Croise

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

1 Amuleina 22:16

Wani amulâ Ahap mi dum ala: An tcheneng tchen nda hud’a ni yan ga tua ba, ang mba dan zla d’a gagazi d’a tcholï avun Ma didinid’a ge?

Wana ni mbaktumba hi Oze-d’a 14:8

Suma Efraim-ma a mba dala: Vama ndolomi ki fileina ni me ge? An mba ni hulongôzi humba yam tchen mazid’a, an mba ni tin iran kaziya, an mba ni mbut ni d’igi agu sipre ma d’uf ma gugulîna na kaziya. Ni yam an ba, agi fagi ki te magina.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

Matiye 26:63

Wani Jesus ngruf kiki. Ma ngol ma ngat buzuna mi dum kua ala: An gunung ki simiyê Alo ma arina, ang le ni Mesi Alona Goroma ni, ang damiya.

Matiye 4:3

Diable mi mba atamu, mi dum ala: Ang le nAlona Goroma ni, ang he vuna mahuniyô suma wana a mbut avuna.

Matiye 8:29

Wani sum ndazina a er ad’uzi akulo, a dum ala: Vama mi ndolong ki ami ni me ge? Ang Alona Goroma, ang mba ka hî á lami ndaka bei yina ndak su?

Marik 1:24

Jesus ma Nazarat-na, vama ndolong ki sed’emi ni me ge? Ang mba á bami woi zu? An wang tetet ala angî Ma bei tcho ma Alona sunungîna.

Marik 14:61

Wani Jesus mi ngruf kiki bei dum zlad’a ba. Ma ngol ma ngat buzuna mi djobom kua ala: Angî Mesi, Alona Gorom ma mi b’e vunam kama zu?

Marik 3:11

Ata yima muzuk ma teteng ma tchona mi wuma, mi ge tam kä avoromu, mi er ad’um akulo ala: Angî Alona Goroma.

Marik 5:6

Kid’a mi we Jesus ei deid’a, mi ringâ, mi ge tam kä avoromu,

Marik 5:8

Mi de hina kayam me Jesus mi dum avok ala: Muzuk ma tchona, ang nde woi kur sa máma.

Wana ni Zla d’a Djivi d’a Luc mi b’irita 1:32

Mam mba mi kak ma ngolâ, a mba yum ala Alo ma sä akulo ma kal teglesâ Goroma. Salad’a Alona mba mi tinim amul ma ngolâ d’igi abum ngolo David na.

Wana ni Zla d’a Djivi d’a Luc mi b’irita 4:34

Hei, Jesus ma Nazarat-na, vama ndolong ki ami ni me ge? Ang mba á bami woi zu? An wang tetet, angî Ma bei tcho ma Alona sunungîna.

Wana ni Zla d’a Djivi d’a Luc mi b’irita 6:35

Wani agi lagi yam magi suma djangûna, agi lagizi djivid’a, agi hazi balâ bei djib’er kam ba. Hina wani, wurak magid’a nga ngola, agi mba kagagi nAlo ma sä akulo ma kal teglesâ groma, kayam mam nga mi we hohowa suma bei le mersina ki suma tchona mi.

Wana ni Zla d’a Djivi d’a Luc mi b’irita 8:28

Ata yima mi we Jesus-na, mi er ad’um akulo, mi ge tam kä avoromu, mi dum ki delem mba ngola ala: Vama mi ndolong ki an ni me ge? Jesus Alo ma sä akulo ma kal teglesâ Goroma, an nga ni tchenengû, ang lan ndaka d’i.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Sunda hi suma a sunuzinid’a 16:17

Ti nga d’i tit ad’umi ki Paul, ti er ad’ut akulo ala: Suma wana nazungeîna hAlo ma sä akulo ma kal teglesîna. Azi nga ni tchagi ni wal lovot ta igi kur sutid’a.

Sunda hi suma a sunuzinid’a 19:13

Wani Juif suma dingâ a nga, ni suma d’uweîd’a. Azi ni suma a nga dik muzuk ma teteng ma tchona woina. Azi tazi ki yazi a nga yi simiyê Jesus á dik muzuk ma teteng ma tchona woi kur suma. A de mi muzuk ma teteng ma tchona ala: Ami hagi vuna ki simiyê Jesus ma Paul nga mi tchum walama ala agi buzugugi woyo.

Sunda hi suma a sunuzinid’a 8:36

Kid’a azi nga kur lovota tua d’a, a mbaza avun huruguka. Adimbang mi dum ala: Ang gol mbina wana: Vama d’elen bei le batemba ni me ge? [

Romê-na 16:20

Alo ma hei b’leng nga halasina mi ar go á miret Seitan kä ad’u asegiya. Ar Saleina Jesus mi vagi sumad’a.

Hebre-na 2:14

Gro ndazina ni suma ki hliuna ki buzunina. Kayam ndata, Jesus tamba mi mbut tam d’igi azi na. Mi le hina ki mad’am á b’lak Diable ma nga kad’enga hi matnid’a aboma woyo,

Hebre-na 7:1

Kayam Melkisedek máma namul ma Salem-ma, ni ma ngat buzuna mAlo ma kal teglesâ. Kid’a Abraham nga mi hulong avo bugol kus sa mi kus yam amuleinid’a, Melkisedek mi ngavam mi b’e vunam kamu.

Jacques 2:19

Ang he gagazid’a ala Alona ni tu nata yad’u. Muzuk ma tchona pî mi he gagazid’a hina mi, nga mi zlak ki mandarâ mi.

2 Pierre 2:4

Kayam Alona mi ar nga malaika suma a le tchod’ina hawa d’i, wani mi tchuguzi nga kä kur gring ma nduvun ma i’îli’â á ngomozi gak bur ma ka sariyad’a.

1 Jean 3:8

Sama nga mi le tchod’ina ni ma hi Diable-na, kayam Diable nga mi le tchod’a ni kad’u tinda dei. Alona Goroma mi nde tam mbei ná b’lak sunda hi Diable-d’a woyo.

Jude 1:6

Agi djib’eregi yam malaika suma a ngom nga ad’eng nga Alona mi hazizid’a d’uo suma a ar yazi ma kaka woina. Kayam ndata, Alona nga mi ngomozi kä kur nduvunda djinda ki kindjing ma didina á djup bur ma ngol ma a mba kazi sariyad’a kazina.

Vama ndum mbeina 12:12

Kayam ndata, ndak akulod’a, ndak le furîd’a ki suma a nga kuru’â mi. Wani ni zla d’a hohoud’a yam ndak andagad’a kalum ma ngolâ, kayam Diable mi tchugï asem kä atagiya. Mi mbut ayîna, kayam mi wala yam ar nga ngol li.