Marik 5:35 - Bible azumeina

³⁵ Kid’a Jesus nga mi de zlad’a tua d’a, suma avo hi ma ngolâ hi gong nga toka hi Juif-fîd’ina a mbeï a de mi ma ngolâ ala: Goronga ti mit wa. Ni kayam me ba, ang dok kau ma hat suma d’ei ge?

Marik 5:35 Iomraidhean Croise

Matiye 26:10

Wani Jesus mi we zla ndata, mi dazi ala: Ni kayam me ba, agi ndagagi atcha ndata hina ge? Ti le ni sun nda ata yata kanu.

Matiye 26:18

Mi dazi ala: Agi igi hur azina avo hi sana tu, agi dum ala: Ma hat suma mi dala: Yi mana mba wa, an min te Pa’â avo hatang ki man suma hata.

Matiye 9:18

Ata yima Jesus nga mi de zla ndata tua na, ma ngolâ hi gonga toka hi Juif-fîna, mi mba, mi grif kä avok Jesus, mi dum ala: Goronda ti mid’ï ka tchetchem, wani ang mbeï tin abong kad’u, ti tchol akulo.

Marik 10:17

Kid’a Jesus mi ge tam tita kur lovotid’a, sana mi ringî gevemu, mi grif kä avoromu, mi djobom ala: Ma hat ma djivina, an le ni nana ba, ni fe ari d’a didinda ge?

Marik 5:22

Sana tu aduk suma nglo suma a gol gong nga toka hi Juif-fîd’ina, simiyêm ala Jairus, mi mba, mi we Jesus, mi ge tam kä avoromu.

Wana ni Zla d’a Djivi d’a Luc mi b’irita 8:49

Kid’a Jesus nga mi de zla ndata tua d’a, sama sunda tcholï avo hi ma ngolâ hi gong nga toka. Mi mba mi de mi Jairus ala: Goronga mit wa, ang kau ma hat suma d’uo d’a.

Jean 11:21

Marta ti de mi Jesus ala: Salana, ladjï ang nga ka hî ni, wiyena nga mi mit ti.

Jean 11:25

Jesus mi dat ala: An ni Ma tchol suma matna ni Ma hazi arid’a mi na. Sama he gagazid’a kana, le mi mid’u pî, mba mi kaka karid’a.

Jean 11:28

Bugol la Marta ti de zla ndata dad’a, ti i yi wiyeta Marie gumunu, ti dat ala: Ma hat suma mi mba wa, nga mi yagu.

Jean 11:32

Kid’a Marie ti mbaza ata yima Jesus mi nga kuanid’a, ti wumu, ti grif kä avoromu, ti dum ala: Salana, ladjï ang nga ka hî ni, wiyena nga mi mit ti.

Jean 11:39

Jesus mi dazi ala: Agi ligad’agi ahinad’a woyo. Marta ma mitna wiyemba, ti dum ala: Salana, mi bu da’, kayam mi le burâ fid’i.

Jean 5:25

Gagazi, an nga ni dagiya, yina nga mi mba, ki tchetchemba mi mba wa, ata yi máma, suma matna a mba hum del an Alona Goroma; azi suma a huma, a mba kak karid’a mi.