Marik 5:22 - Bible azumeina

²² Sana tu aduk suma nglo suma a gol gong nga toka hi Juif-fîd’ina, simiyêm ala Jairus, mi mba, mi we Jesus, mi ge tam kä avoromu.

Marik 5:22 Iomraidhean Croise

Matiye 2:11

Ata yima azi tchuk klavina, a we gorâ azi kasum Marie. A grif kä, a kud’uromu. A mal vun bud’omei mazi suma beged’a, a hum he d’a hawad’a, nala, lora ki lubana ki mirâ mi.

Marik 5:33

Wani atcha ndata ti le mandarâ, nga d’i zlak mi, kayam ti we vama le atatna. Ti mba, ti ge tat kä avoromu, ti dum ahlena pet suma a latna.

Marik 5:38

Kid’a azi mbaza avo hi ma ngol mámid’a, Jesus mi hum siwela ki tchina ki wulul la ngola gandjau.

Wana ni Zla d’a Djivi d’a Luc mi b’irita 13:14

Ma ngolâ hi gong nga tokina, hurum zal yam Jesus kayam mi sut suma tugud’eid’a kur bur ma sabatna. Mi de mablau suma ala: Burâ karagaya nga, ndak yam suma á le sun mazid’a. Agi mbagi kur bur máma kayam mi sud’ugi woi kur tugud’ei magid’a. Wani agi mbagi kur bur ma sabatna d’i.

Wana ni Zla d’a Djivi d’a Luc mi b’irita 5:8

Kid’a Simon Pierre mi we hina d’a, mi grif kä avok Jesus, mi dala: Salana, ang aranu, kayam an ni sama tchona.

Wana ni Zla d’a Djivi d’a Luc mi b’irita 8:28

Ata yima mi we Jesus-na, mi er ad’um akulo, mi ge tam kä avoromu, mi dum ki delem mba ngola ala: Vama mi ndolong ki an ni me ge? Jesus Alo ma sä akulo ma kal teglesâ Goroma, an nga ni tchenengû, ang lan ndaka d’i.

Sunda hi suma a sunuzinid’a 13:15

Bugol la a ndum mbaktum mba gata ki mbaktum mba suma djok vun Alona a b’irita ndumba, suma nglona hi gong nga toka hi Juif-fîd’a a sun ataziya, a dazi ala: B’oziyomina, le agi nga ki zlad’a á giget suma toka ni, agi dagiya.

Sunda hi suma a sunuzinid’a 18:17

Suma pet a ve Sosten ma ngolâ hi gong nga toka hi Juif-fîd’ina, a nga tom avok yima ka sariyad’a, wani Galiyon mi gol ahle ndazina ni hawa na.

Sunda hi suma a sunuzinid’a 18:8

Krispus ma ngolâ hi gong nga toka hi Juif-fîd’ina, mi he gagazid’a yam Salad’a ki suma avo hatama pet. Suma Korente-na ablaud’a suma a hum zlad’a hi Paul-lina a he gagazid’a, a lazi batemba mi.

Vama ndum mbeina 22:8

An Jean ni huma, ni wahle ndazina mi. Ata yima an hum ni we na, an puk kä asem malaika ma nga mi tagan ahle ndazinina á kud’uromu.