Marik 4:19 - Bible azumeina

¹⁹ wani djib’era hi duniyad’id’a ki d’od’oka hi beged’id’a ki lelemba hahle suma dingîd’a a kal kuruziya, a hep zlad’a akulo ped’et bei le irâ.

Marik 4:19 Iomraidhean Croise

Zla d’a d’ogolâ 23:4

Ar ang kau tang á mbut sama ndjondjoîna d’i, ar ang tin djib’er manga kat tuo mi.

Zla d’a d’ogolâ 23:5

Ang min tin irang yam ndjondjoî d’a kal leina zu? Gagazi, ndjondjoîd’a nga d’i min gigingâ d’igi agigilauna na, ti pir akulo aduk alona, ti vit teyo.

Ma tchi wala 4:8

Gola! Sana mi ni vam hina tu, ndram nga d’i, wiyem nga d’uo mi na, gorom nga d’uo mi. Nga mi le sunda bei ara ba, nga mi hal ndjondjoîd’a burâ ki burâ, nga mi djop tam ala mam le sun ndata na ni yam nge ba, nga mi bur sen nduo ge? Ndata ni sun nda hawa yak ka tcho d’a kala.

Isai 5:2

Mi dilabam kä, mi pat ahuniyôna woyo, mi pe guguzlu d’a djivi d’a kal teglesa kua, mi vazangâ akulo fiyaka adugu, mi djugot zul la miret guguzlud’a kua mi. Bugola, mi tin hurum ala mba d’i vud’um guguzlu d’a djivid’a, wani ti vud’umî vut ta tchod’a zang.

Isai 5:4

Vama ar ma an bei lum mi guguzlu mandina ni me ge? An tin hurun ala mba d’i vud’un ni vut ta djivid’a ba, ni kayam me ba, ti vud’un vut ta tchod’a zang nge?

Matiye 13:22

Ma mi nde aduk aweid’ina ni sama hum zlad’a, wani djib’era hi duniyad’id’a ki d’od’oka hi beged’id’a a hep zla d’a a yagat kurumba akulo ped’et bei le irâ.

Matiye 19:23

Jesus mi de mi mam suma hata ala: Gagazi, an nga ni dagiya, ad’enga ngola heî ki sama ndjondjoîna á kal kur leu d’a akulod’a.

Matiye 3:10

Ki tchetchemba, andjetna mi ged’a kä ad’u aguna. Agu ma lara ge pet ma nga mi vut vut ta djivid’a d’uo na, a mba kam mbeyo, a mba gum aduk akud’a.

Marik 4:18

Ma ding ma mi nde aduk aweid’ina, mi ni d’igi suma hum zlad’a,

Wana ni Zla d’a Djivi d’a Luc mi b’irita 10:41

Wani Salad’a mi hulong dat ala: Marta, Marta, ndak nga kur djib’era, huruk nga hat yam ahlena ngola heî.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

Jean 15:2

Abo ma lara pî ma nga atana, le nga mi vut tuo ni, mam mba mi kam mbeyo. Abo ma nga mi vutna, mam nga mi tchawam abom mbeyo, kayam mi hulong mi vut vut ta kala.

Romê-na 12:2

Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

Efes-sâ 2:2

Ata yi máma agi tid’igi ni kur lovot ta suma tcho suma duniyad’a a nga tit kua ad’u ad’enga hamulâ hi muzuk ma akulo kur simetnina. Ni muzuk ma nga mi le sunda ki tchetchemba kur suma bei hum vun Alona ba na.

Efes-sâ 6:12

Kayam ei duri ayîna ni ki suma d’i, wani ni ki muzuk ma teteng ma tcho ma te yamba, ni ki muzuk ma teteng ma tcho ma ad’eng ma nga mi te yam duniya d’a nduvun nda wandina, ni ki muzuk ma teteng ma tcho ma nga aduk akulod’ina.

Filip-ma 4:6

Ar djib’eregi ti b’lak yam va tu d’i, wani kur ahlena pet ar agi tagagi Alona vama agi kid’agagizina. Ar agi tchenegi Alona ki hud’a, agi lum mersi mi.

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

2 Timote 4:10

Demas mi aran wa, kayam hurum ve duniya d’a wanda heî, mi i wa Tasalonik. Kresen mi i wa Galat, Tit mi i wa Dalmati mi.

2 Pierre 1:8

Le agi nga lagi ahle ndazina, le a nga zul adigagi miyu ni, a mba zud’ugi avogovogo, agi mba kagagi hawa bei vuta d’i, agi mba wagi Saleina Jesus Christ tetet mi.

Jude 1:12

Sum ndazina a mbut ni vama dap asema ata yi magi ma darigïd’a, zulona nga lazi ki hop mazina d’uo mi. Azi ni d’igi d’ugul la bei mbina d’a simetna nga mi tchat tata d’a na. Azi ni d’igi agu ma le ni vun simetna pî nga mi vut tuo ma mi mit yam mbà ma a pad’am sideyem mbeina na.