Marik 3:22 - Bible azumeina

²² Suma hat gat suma Jerusalem-ma a mba, a dala: Mi nga ki Belzebul kurumu. Suma hiuna a nga dala: Ni kad’enga hamulâ hi muzuk ma tchonina ba, mi nga mi dik ki muzuk ma teteng ma tchona woi wana.

Marik 3:22 Iomraidhean Croise

2 Amuleina 1:2

Bur tu amulâ Ahaziya mi nga avo Samari kur gong mam mba yam ndrata akulod’a, mi tchoï ir fenetred’a, mi nde kä, mi dak ngola. Ata yi máma mi sun suma kur azì ma Ekron-na, mi dazi ala: Agi i djobogi Bäl-Zebup alo ma Ekron-na ala na ni kur dak ndata, an mba ni tchol akulo, d’oze ni tchol luo zu?

Sawal la giled’a 22:6

A tchi kangû; ang sud’uziya; a deng tazi atangû; a mbut nga zulona d’i.

Matiye 10:25

Ma hata mi ndak á mbut d’igi sama had’ama na, azongâ mi ndak á mbut d’igi salama na mi. Le a yi samazina ala Belzebul-lu ni, a mba yi suma avo hatama tchod’a kal luo zu?

Matiye 11:18

Kayam Jean ma le suma batemba mi mba, mi te nga avu d’i, mi tche nga süm guguzlud’a d’i, wani suma a nga de kam ala: Mi nga ki muzuk ma tchona kurumu.

Matiye 12:24

Kid’a Fariziyêna a hum hina d’a, a dala: Sa máma nga mi dik muzuk ma teteng ma tchona woi ni kad’eng nga Belzebul amulâ hi muzuk ma tchona mi humzid’a.

Matiye 15:1

Bugola, Fariziyêna azi ki suma hat gata a tcholï Jerusalem, a mba gen Jesus, a djobom ala:

Matiye 9:34

Wani Fariziyêna a dala: Mi nga mi dik muzuk ma teteng ma tchona woi ni kad’eng nga amulâ hi muzuk ma tchona mi humzid’a.

Marik 7:1

Fariziyêna azi ki suma hiu suma hat gata suma a tcholï Jerusalem-ma, a togï gen Jesus.

Wana ni Zla d’a Djivi d’a Luc mi b’irita 11:15

Wani suma adigazi a dala: Mi dik muzuk ma teteng ma tchona woi ni kad’eng nga Belzebul amulâ hi muzuk ma tchona mi humzid’a.

Wana ni Zla d’a Djivi d’a Luc mi b’irita 5:17

Bur ma dingâ Jesus nga mi hat suma. Fariziyêna azi ki suma hat gata a nga kaka kä gevemu. Ni suma a tcholï kur azì ma nglo ma Galile-na ki ma nglo ma Jude-na ki suma Jerusalem-ma pet mi. Ad’enga hi Salad’id’a nga ki Jesus á sut suma tugud’eid’a mi.

Jean 10:22

Vun til ma a tin gong nga kud’ora hAlonid’a irat vatna nga avo Jerusalem, ni til ma ab’lenga.

Jean 7:20

Ablau suma a hulong dum ala: Ang wana nga ki muzuk ma tchona kurungû. Sama halang á tchid’a ni nge ge?

Jean 8:48

Juif-fâ a hulong dum ala: Zla d’a ami dat ala: Angî ma Samari-na, ang nga ki muzuk ma tchona kurungû d’a, ni zla d’a gagazid’a d’uo zu?

Jean 8:52

Juif-fâ a dum ala: Ki tchetchemba, ami wami tetet ala ang nga ki muzuk ma tchona kurungû. Abraham mi mid’a, suma djok vun Alona a bo mi, wani ang dala: Le sama ngom zla manda ni, mba mi mit ti gak didin.