Marik 3:10 - Bible azumeina

¹⁰ Mi sut wa ablau suma. Kayam ndata, suma tugud’eid’a pet a nga mol kam kä á domu.

Marik 3:10 Iomraidhean Croise

Ad’u Tinda 12:17

Wani Ma didina mi tum Faron ki suma avo hatama kandjaf tugud’eid’a teteng, kayam mi ve Sarai atchad’a hi Abram-mba.

Ndumba 11:33

Ata yima hliuna mi nga ved’a avunazi tua na, Ma didina hurum zal kazi ngola, mi tumuzi ki tugud’ei d’a tcho d’a tchi matna.

Matiye 12:15

Kid’a Jesus mi we hina d’a, mi nde woi ata yi máma. Ablau suma a i ad’umu, mi sud’uzi woi kur tugud’ei mazid’a pet mi.

Matiye 14:14

Kid’a mi nde woi kur alumbid’a, mi wablau suma ngola. Hurum hat kaziya, mi sut suma tugud’ei suma a nga adigazina mi.

Matiye 14:36

A tchenem ala mi arazi a domî vun baru mamba go. Suma pet suma a dotna a tchol akulo woi kur tugud’ei mazid’a.

Matiye 4:23

Jesus nga mi tit yam andaga d’a Galile-d’a pet, nga mi hat suma kur gongîyo mazi suma toka, nga mi tchi wal Zla d’a Djivi d’a yam leud’a hAlonid’a, nga mi sut suma kur tugud’ei mazid’a ki suma homozed’a mi.

Marik 5:34

Wani Jesus mi dat ala: Goronda, he gagazi maka sud’uk wa da’. Ndak i lafiya, ndak wal lei ki ndak maka da mi.

Marik 6:56

Ata yima lara pet ma nga mi kal kuana, kur azì ma nglona, azì ma gureina kazì ma kelâ pet, suma a nga tchuk suma tugud’eid’a ad’u su’â kä, a nga tchenem ala mi arazi a domî vun baru mamba go. Suma pet suma a dotna a tchol akulo woi kur tugud’ei mazid’a.

Marik 8:22

Jesus azi ki mam suma hata a mba kur Betsaida. A mba ki sama duka mi Jesus, a tchenem ala mi domu.

Wana ni Zla d’a Djivi d’a Luc mi b’irita 5:3

Mi djak kur alumba tu, ni hi Simon-nda, mi tchenem ala mi hud’um sä woi nde ki gongôd’id’a. Jesus mi kak kurud’u, mi hat ablau sum ndazina.

Wana ni Zla d’a Djivi d’a Luc mi b’irita 6:19

Ablau suma pet a nga hal á domu, kayam ad’enga nga d’i buzuk kei atam á sud’uzi pet.

Wana ni Zla d’a Djivi d’a Luc mi b’irita 7:2

Ma ngol ma azigarâ abom kis ma Romê-na, azong mam ma mam le kam heîna, mi ve tugud’eid’a go á matna.

Wana ni Zla d’a Djivi d’a Luc mi b’irita 7:21

Ata yi máma, Jesus mi sut suma tugud’eid’a ablaud’a ki suma homozed’a ki suma a nga ki muzuk ma tchona kuruzina, mi mal ir suma duka woi ablaud’a mi.

Sunda hi suma a sunuzinid’a 5:15

A nde yoï suma tugud’eid’a ir palumba kazang mazina ki zlod’ei mazina mi. A mba tchuguzi kä avun lovota, kayam Pierre le mi kala ni, dam anguzam mbi kal yam suma ding adigazi zi ge.

Hebre-na 12:6

Kayam Ma didina nga mi gat sama mam le kama, nga mi to sama lara ge ma mam hurum vum d’igi goroma na na kazlingâta.